ପୁରୀ: ଅର୍ବାନ ହାଟର ନାମକରଣ ବଦଳାଇ ଏହାକୁ ବିଜୁ ପଟ୍ଟନାୟକ ସଂଗ୍ରହାଳୟ ନାମରେ ନାମିତ କରିବାକୁ ଦାବି କରିଛି ଶ୍ରୀଜଗନ୍ନାଥ ସେନା । ଏହାସହ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କୁ ଭାରତ ରତ୍ନ ପ୍ରଦାନ ପାଇଁ ଦୃଢ ଦାବି କରାଯାଇଛି ।
ଅର୍ବାନ ହାଟକୁ ବିଜୁ ସଂଗ୍ରହାଳୟ କରିବାକୁ ଜଗନ୍ନାଥ ସେନାର ଦାବି
ପୁରୀ ସ୍ବର୍ଗଦ୍ବାରର ପ୍ରାୟ ଅଧ ଡେସିମିଲ୍ ଜାଗାରେ ହୋଇଥିବା ବିଜୁ ପଟ୍ଟନାୟକଙ୍କ ସମାଧି ହଟାଯିବା ପରେ ଖାଲି ହୋଇଥିବା ସ୍ଥାନରୁ ମାଟି ଓ ପାଉଁଶ ସଂଗ୍ରହ କରିଛି ଶ୍ରୀଜଗନ୍ନାଥ ସେନା। ଶନିବାର ସମାଧିସ୍ଥଳରୁ କଳସରେ ସଂଗୃହିତ ପାଉଁଶ ଓ ମାଟି ଧରି ଜଗନ୍ନାଥ ସେନାର କର୍ମୀମାନେ ପଦଯାତ୍ରାରେ ଅର୍ବାନ ହାଟକୁ ଆସି ରଖିଛନ୍ତି । ଅର୍ବାନହାଟ ମୁଖ୍ୟ ଫାଟକ ସମ୍ମୁଖରେ ବିଜୁ ପଟ୍ଟନାୟକ ସଂଗ୍ରହାଳୟ ପୋଷ୍ଟର ଲଗାଯାଇଛି।