ଜନ୍ମମାଟିରେ ଉତ୍କଳମଣି ଗୋପବନ୍ଧୁ ଦାସଙ୍କୁ ଅସମ୍ମାନ

ଜନ୍ମମାଟି ପୁରୀରେ ଉତ୍କଳମଣି ଗୋପବନ୍ଧୁ ଦାସଙ୍କୁ ଅସମ୍ମାନ ହୋଇଛି । ଶ୍ରୀମନ୍ଦିର ସିଂହଦ୍ବାର ନିକଟରେ ଥିବା ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତୀକୁ ଅପମାନିତ କରାଯାଇଥିବା ଦେଖିବାକୁ ମିଳିଛି। ଅଧିକ ପଢନ୍ତୁ

ପୁରୀ:ଶ୍ରୀକ୍ଷେତ୍ର ମାଟିରେ ମହାପୁରୁଷଙ୍କୁ ଅସମ୍ମାନ କରାଯାଇଛି । ଶ୍ରୀମନ୍ଦିର ସିଂହଦ୍ବାର ନିକଟରେ ଥିବା ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତୀକୁ ଅପମାନିତ କରାଯାଇଥିବା ଦେଖିବାକୁ ମିଳିଛି । ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତିକୁ ଅପମାନିତ କଲା ଭଳି ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଛି । ଯାହାକୁ ନେଇ ଅସନ୍ତୋଷ ପ୍ରକାଶ ପାଇଛି ।

ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି କି, ଉତ୍କଳମଣି ଗୋପବନ୍ଧୁଙ୍କ ପ୍ରତିମୂର୍ତ୍ତି ଥିବା ସ୍ଥାନକୁ ଧଳାକପଡାରେ ସମ୍ପୂର୍ଣ୍ଣ ଭାବେ ଆବଦ୍ଧ କରି ଦିଆଯାଇଛି। ଏଭଳି ଭାବରେ ଧଳା କପଡାରେ ଆବଦ୍ଧ କରାଯାଇଛି ଯେ ପ୍ରତିମୂର୍ତ୍ତି ସମ୍ପୂର୍ଣ୍ଣ ଭାବେ ଲୁଚି ଯାଇଛି । ଏହା ମହାପୁରୁଷଙ୍କ ପ୍ରତି ଅସମ୍ମାନ ବୋଲି ଚର୍ଚ୍ଚା ହେଉଥିବା ବେଳେ ଭିଡିଓ ଭାଇରାଲ ପରେ ଏହାକୁ କାଢି ଦିଆଯାଇଛି । ତେବେ ଏଠି ପ୍ରଶ୍ନ ଉଠିଛି କିଏ ଓ କାହିଁକି ଏଭଳି ଆବଦ୍ଧ କରିଥିଲା । ପୁଣି କାଢି ଦିଆ ଯାଇଛି । ରାଷ୍ଟ୍ରପତି ଦୌପଦୀ ମୁର୍ମୁ ଶ୍ରୀମନ୍ଦିର ପରିଦର୍ଶନ କରିବା ସମୟରେ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ଯାର୍ପଣ କରିଥିଲେ । ସେଠି ମହାପୁରୁଷଙ୍କୁ ଅପମାନିତ କରାଯିବାକୁ ନେଇ ସାଧାରଣ ରେ ଉଦବେଗ ପ୍ରକାଶ ପାଇଛି ।

ତେବେ ଏଠି ପ୍ରଶ୍ନ ଉଠୁଛି କିଏ ଓ କାହିଁକି ଉତ୍କଣମଣି ଗୋପବନ୍ଧୁଙ୍କ ପ୍ରତିମୂର୍ତ୍ତୀକୁ କପଡାରେ ଆବଦ୍ଧ କରିଥିଲା । ଜାଣତରେ ନା ଅଜାଣତରେ ଏହା କରାଯାଇଛି । ଏହା ସହିତ ପ୍ରତିମୂର୍ତ୍ତୀ ନିକଟକୁ ଯିବାକୁ ଯେଉଁ କଂକ୍ରିଟ ପାହାଚ ଥିଲା ତାହାକୁ ମାଟିରେ ମିଶାଇ ଦିଆ ଯାଇଛି । ପ୍ରତିମୂର୍ତ୍ତିରେ ଫୁଲମାଳ ଦେବାପାଇଁ ହେଲେ ସେହି ପାହାଚରେ ଚଢି ଯିବାକୁ ହୋଇଥାଏ ତାକୁ ଭାଙ୍ଗି ଦିଆଯାଇଛି । ଶ୍ରୀମନ୍ଦିର ପରକ୍ରମା ପ୍ରକଳ୍ପ ନାମରେ ମହାପୁରୁଷଙ୍କୁ ଅସମ୍ମାନିତ କରାଯାଉଥିବା ଅଭିଯୋଗ ହୋଇଛି । ଏହାକୁ ନେଇ ଜନ ଅସନ୍ତୋଷ ଦେଖିବାକୁ ମିଳିଛି । ଏ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ହସ୍ତଗତ ହୋଇନାହିଁ ।

ନିକଟରେ ମହାପୁୁରୁଷଙ୍କ ଜୀବନରେ ପ୍ରଭାବିତ ହୋଇ ଜଣେ ବିଦେଶୀ ପର୍ଯ୍ୟଟକ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ ଓ ଆଚାର୍ଯ୍ୟ ହରିହରଙ୍କ ପ୍ରତିମୂର୍ତ୍ତୀ ନେଉଥିବା ଖବର ପ୍ରସାରିତ ହୋଇଥିଲା । ସୁଦୂର ଅଷ୍ଟ୍ରେଲିଆରୁ ଆସିଥିବା ବିଦେଶୀ ପର୍ଯ୍ୟଟକ ହ୍ୟାରିପିଚ ମ୍ୟାନ ଗୋପବନ୍ଧୁ ଏବଂ ଆଚାର୍ଯ୍ୟ ହରିହରଙ୍କ ଦୁଇଟି ଫାଇଭର ମୂର୍ତ୍ତୀ ନିଜ ଦେଶକୁ ନେଇଥିଲେ । ନିଜ ଅଞ୍ଚଳର କମ୍ୟୁନିଟି ହଲ ସମ୍ମୁଖରେ ଏହି ମୂର୍ତ୍ତିକୁ ସେ ସ୍ଥାପନ କରିବେ ବୋଲି କହିଥିଲେ । ହେଲେ ଜନ୍ମମାଟିରେ ପଣ୍ଡିତ ଗୋପବନ୍ଧୁ ଦାଶଙ୍କୁ ଅସମ୍ମାନକୁ ନେଇ ଅସନ୍ତୋଷ ଦେଖା ଦେଇଛି ।

ଇଟିଭି ଭାରତ, ପୁରୀ