ପୁରୀ: ରାଜ୍ୟରେ ବଢୁଛି ବେଆଇନ ଚାଲାଣ । ପୁରୀ ଜିଲ୍ଲାରେ ବେଆଇନ ବାଲି ଚାଲାଣ ନେଇ ତତପର ହୋଇଛି ପୁରୀ ପୋଲିସ । ଚୋରାରେ ବାଲି ଚାଲାଣ କରି ପୋଲିସ ହାତରେ ଧରା ପଡିଛନ୍ତି ତିନି ଅଭିଯୁକ୍ତ ।
ପୋଲିସ ସୂଚନାନୁଯାୟୀ, ସତ୍ୟବାଦୀରେ ଗତ ରାତିରେ ପୁରୀ ପେଣ୍ଠକଟା ବଜାର ଦେଇ ବେଆଇନ ଭାବେ ଏକ ଟ୍ରାକ୍ଟର ମାଧ୍ୟମରେ ବାଲି ଚାଲାଣ ହେଉଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକ ଓ ଟ୍ରାକ୍ଟରକୁ ଜବତ କରିବା ସହ ତିନି ଜଣଙ୍କୁ ଗିରଫ କରିଛି । ଗିରଫ ତିନିଜଣ ହେଲେ ସତ୍ୟବାଦୀର ଶଙ୍କର ପାଣି , ନିମାପଡାର ମଙ୍ଗୁଳୀ ଚରଣ ନାୟକ ଓ ଅସ୍ତରଙ୍ଗର ପ୍ରତାପ ସେନାପତି । ଅଭିଯୁକ୍ତମାନଙ୍କୁ ପୁରୀ ପୋଲିସ ମଙ୍ଗଳବାର କୋର୍ଟ ଚାଲାଣ କରିଛି ।