ପୁରୀ:କୋଭିଡ କଟକଣା ମଧ୍ୟରେ ପୁରୀରେ ଖୋଲିଛି ସମସ୍ତ ହୋଟେଲ। ଅନୁମତି ମିଳିବା ପରେ ସରକାରଙ୍କ କୋଭିଡ ଗାଇଡ଼ଲାଇନକୁ କଡାକଡି ପାଳନ କରିବା ଉପରେ ଧ୍ୟାନ ଦେଉଛନ୍ତି ହୋଟେଲ କର୍ତ୍ତୃପକ୍ଷ । ସାମାଜିକ ଦୂରତା, ସାନିଟାଇଜ ଉପରେ ସର୍ବାଧିକ ଗୁରୁତ୍ବ ଦିଆଯାଇଛି। ରେସ୍ତୋରାଁଗୁଡିକରେ ଖାଦ୍ୟ ଟେବୁଲ ଗୁଡିକ ମଧ୍ୟରେ 6 ଫୁଟ ଦୂରତା ରଖାଯାଇଛି ।
ପୁରୀରେ କୋଭିଡ କଟକଣାରେ ଖୋଲିଲା ହୋଟେଲ
ସେହିପରି ପ୍ରବେଶ ପୂର୍ବରୁ ପର୍ଯ୍ୟଟକ ଓ ଗ୍ରାହକଙ୍କୁ ହାତ ସାନିଟାଇଜ କରିବା ,ମାସ୍କ ପିନ୍ଧିବା,ସାମାଜିକ ଦୁରତା ରଖିବା ପାଇଁ ହୋଟେଲ କର୍ମଚାରୀ ସଚେତନ କରାଉଛନ୍ତି। ହୋଟେଲ କର୍ମଚାରୀମାନେ ଡବଲ ମାସ୍କ , ହାତରେ ଗ୍ଲୋବସ , ଆଦି ପିନ୍ଧୁଥିବାବେଳେ ରେଷ୍ଟୁରାଣ୍ଟକୁ ସବୁଦିନ ସାନିଟାଇଜ କରାଯାଉଛି। କେବଳ ଡବଲ ଡୋଜ କୋଭିଡ ଟିକା ନେଇଥିବା ଏବଂ କୋଭିଡ ନେଗେଟିଭ ରିପୋର୍ଟ ଥିବା ପର୍ଯ୍ୟଟକ ଓ ଗ୍ରାହକଙ୍କୁ ହିଁ ହୋଟେଲରେ ପ୍ରବେଶ ଅନୁମତି ଦିଆଯାଇଛି।