ଭକ୍ତବତ୍ସଳ ଦୀନବନ୍ଧୁଙ୍କ ପଦ୍ମବେଶ ଦର୍ଶନ କଲେ ଭକ୍ତ

ମହାପ୍ରଭୁଙ୍କ ପଦ୍ମବେଶ ଗତକାଲି ଅନୁଷ୍ଠିତ ହୋଇଛି । ମହାପ୍ରଭୁଙ୍କ ଦର୍ଶନ ସହ ଖିରି ଅମାଲୁ ଭୋଗ ପାଇ ଭକ୍ତ ବେଶ ଭାବ ବିହ୍ଵଳ ହୋଇଛନ୍ତି । ପଢନ୍ତୁ ସମ୍ପୂର୍ଣ୍ଣ ଖବର..

ପୁରୀ: ମହାପ୍ରଭୁଙ୍କ ପଦ୍ମବେଶ ଗତକାଲି ଅନୁଷ୍ଠିତ ହୋଇଛି । ତେବେ ପରମ୍ପରା ଅନୁଯାୟୀ ଏହି ବେଶ ପରଦିନ ମଇଲମରେ ଉଲାଗି ହୋଇଥାଏ ।

ତେଣୁ ଆଜି ସକାଳେ ମହାପ୍ରଭୁଙ୍କ ପଦ୍ମ ବେଶ ଦର୍ଶନ କରିଛନ୍ତି ଭକ୍ତ। ମହାପ୍ରଭୁଙ୍କ ନିକଟରେ ଲାଗି ହୋଇ ଥାଏ ଖିରି ଓ ଅମାଲୁ ଭୋଗ। ମହାପ୍ରଭୁଙ୍କ ଦର୍ଶନ ସହ ଖିରି ଅମାଲୁ ଭୋଗ ପାଇ ଭକ୍ତ ବେଶ ଭାବ ବିହ୍ଵଳ ହୋଇଛନ୍ତି।

ପରମ୍ପରା ଅନୁଯାୟୀ ବସନ୍ତ ପଞ୍ଚମୀ ପୂର୍ବରୁ ପଡୁଥିବା ବୁଧବାର ଅବା ଶନିବାର ଦିନ ଏହି ବେଶ କରାଯାଇଥାଏ । ବର୍ଷକରେ କେବଳ ଏହି ଗୋଟିଏ ଦିନ ମହାପ୍ରଭୁ ପଦ୍ମବେଶରେ ହିଁ ପହୁଡ଼ ଯାଆନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ