ପୁରୀ: ଶ୍ରୀକୃଷ୍ଣଙ୍କ ଜନ୍ମୋତ୍ସବରେ ପ୍ରସିଦ୍ଧ ଅଲାରନାଥ ମନ୍ଦିରରେ ଲାଗିଛି ଉତ୍ସବର ମାହୋଲ । ଏହି ଅବସରରେ ମନ୍ଦିରରେ ପ୍ରସ୍ତୁତ ହୋଇଛି ସ୍ବତନ୍ତ୍ର ନଡିଆ କୋରା । ପ୍ରତିବର୍ଷ ପରି ଏବର୍ଷ ମଧ୍ୟ ଏଠାରେ ବେଶ୍ ଆଡମ୍ବରରେ ପାଳନ ହେଉଛି ପବିତ୍ର ଜନ୍ମାଷ୍ଟମୀ ଉତ୍ସବ ।
ଭିଡିଓ ସୌଜନ୍ୟ: ପ୍ରତିନିଧି, ବ୍ରହ୍ମଗିରି
ଭୋରୁ ଭୋରୁ ଦୁଆର ଫିଟା ଯାଇ ପ୍ରତିଦିନର ନୀତି ସରିବା ପରେ ମନ୍ଦିରରେ ସର୍ବ ସାଧାରଣ ଦର୍ଶନ କରିଥିଲେ । ଏହାପରେ ଭୋଗ ଲାଗି କରାଯାଇଥିଲା । ତେବେ ସନ୍ଧ୍ୟା ଧୂପ ପରେ ଜନ୍ମାଷ୍ଟମୀ ନୀତି ଆରମ୍ଭ କରାଯିବ । ଏନେଇ ଭିତର ମନ୍ଦିର ଓ ବାହାର ମନ୍ଦିର ଶୁଦ୍ଧ କରାଯାଇ ଆବଶ୍ୟକ ପାଳିଆ ସେବକଙ୍କ ବ୍ୟତୀତ ଅନ୍ୟମାନଙ୍କୁ ମନ୍ଦିରରୁ ବାହାର କରାଯିବ । ପରେ ପରେ ସମସ୍ତ ଆଲୋକକୁ ଲିଭାଯାଇ ମନ୍ଦିରକୁ ସମ୍ପୂର୍ଣ୍ଣ ଅନ୍ଧକାରମୟ କରାଯିବ ।