ପୁରୀ: ଲଘୁଚାପ ଜନିତ ଲଗାଣ ବର୍ଷାରେ ଜଳବନ୍ଦୀ ହୋଇଉଠିଛି ପୁରୀ ସହର । ବିଶେଷ କରି ସହରର ତଳିଆ ଓ ବସ୍ତି ଅଞ୍ଚଳରେ ବର୍ଷା ବିଶେଷ ପ୍ରଭାବ ଦେଖିବାକୁ ମିଳିଛି ।
ସହରସ୍ଥିତ ବଳିଆପଣ୍ଡାର ମଙ୍ଗଳା ବସ୍ତି ଅବସ୍ଥା ସାଙ୍ଘାତିକ ହୋଇପଡିଥିବାବେଳେ ଘର ଭିତରେ 3 ରୁ 4 ଫୁଟ ପାଣିର ଜମି ରହିଛି । ଫଳରେ ଲୋକେ ଏବେ ନିଜ ଘର ଛାଡି ବାହାରେ ଆଶ୍ରୟ ନେଇଛନ୍ତି । ଘରେ ଭିତରେ ପାଣି ପଶିଥିବାରୁ ଆସବାବପତ୍ର ମଧ୍ୟ ନଷ୍ଟ ହୋଇଯାଇଛି। ଏମିତି ସ୍ଥିତିରେ ଲୋକେ ଭୋକ ଉପବାସରେ ଥିବାର ଅଭିଯୋଗ କରିଛନ୍ତି । ସେପଟେ ପ୍ରଶାସନ ପକ୍ଷରୁ ସେମାନଙ୍କ ପାଇଁ ନା ରନ୍ଧା ଖାଦ୍ୟ ନା ଅନ୍ୟ କୌଣସି ପ୍ରକାର ସୁବିଧା ଯୋଗାଇ ଦିଆଯାଉଛି।
ଭିଡିଓ ସୌଜନ୍ୟ :ସମ୍ବାଦଦାତା, ପୁରୀ