‘ଫନି ପରେ ଧିମେଇଛି ଶ୍ରୀମନ୍ଦିର ମରାମତି କାମ’

ହାଇକୋର୍ଟରେ ଜଗମୋହନ ମରାମତି ମାମଲାର ଶୁଣାଣି ହୋଇଛି । ମାମଲା ନେଇ ସବିଶେଷ ତଥ୍ୟ ପ୍ରଦାନ କରିଛନ୍ତି ଆମିକସକ୍ୟୁରୀ ଏନକେ ମହାନ୍ତି । ଅଧିକ ପଢ଼ନ୍ତୁ...

କଟକ: ଶ୍ରୀମନ୍ଦିର ଜଗମୋହନ ମରାମତି ମାମଲାର ହାଇକୋର୍ଟରେ ଶୁଣାଣି ହୋଇଛି। ସୋମବାର ହାଇକୋର୍ଟରେ ଆମିକସକ୍ୟୁରୀ ଏନକେ ମହାନ୍ତି ଷ୍ଟାଟସ ରିପୋର୍ଟ ଦାଖଲ କରିଥିଲେ। ଫନି ପରେ ମରାମତି କାମ ଧିମେଇ ଯାଇଥିବା ଏହି ରିପୋର୍ଟରେ ଦର୍ଶାଯାଇଛି ।

ଭିନ୍ନକ୍ଷମଙ୍କ ପାଇଁ ପୂର୍ବ ଦ୍ବାର ଦେଇ ରାମ୍ପ କରିବାର ଯୋଜନା ଚୂଡାନ୍ତ ହୋଇଥିଲା ବେଳେ ଏହାର ଅନୁମତି ଓ ଅର୍ଥ ବରାଦ ପାଇଁ ଏଏସଆଇ(ଭାରତୀୟ ପ୍ରତ୍ନତାତ୍ତ୍ବିକ ସର୍ବେକ୍ଷଣ ସଂସ୍ଥା) ଡିଜିଙ୍କ ପାଖକୁ ପ୍ରସ୍ତାବ ପଠା ଯାଇଛି। ନାଟ ମଣ୍ଡପର କମ୍ପନକୁ ଦୈନିକ ରେକର୍ଡ କରାଯାଇଛି। ଆହୁରି ଏକ ମାସ ପର୍ଯ୍ୟନ୍ତ ଏହା ରେକର୍ଡ କରାଯିବ। ଆସନ୍ତା ମାସ16 ତାରିଖ ସୁଦ୍ଧା ସବିଶେଷ ତଥ୍ୟ ସହ ସତ୍ୟପାଠ ଦାଖଲ କରିବାକୁ ହାଇକୋର୍ଟ ଏଏସଆଇକୁ ନିର୍ଦ୍ଦେଶ ଦେଇଛନ୍ତି। ଡିସେମ୍ବର 16 ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ ।

କଟକରୁ ନାରାୟଣ ସାହୁ, ଇଟିଭି ଭାରତ