ପୁରୀ: ଜଗା ଦର୍ଶନ ପରେ ଚାଲିଗଲା ପ୍ରାଣବାୟୁ । ମହାପ୍ରଭଙ୍କୁ ଦର୍ଶନ ପାଇଁ ଆସିଥିବା ଜଣେ ହବିଷ୍ୟାଳିଙ୍କ ମୃତ୍ୟୁ ହୋଇଛି । ମୃତ ହବିଷ୍ୟାଳି ହେଲେ ନୟାଗଡ଼ ଜିଲ୍ଲାର 73 ବର୍ଷିଆ ଫକିର ଧଳୁଆ । ତେବେ ସେ ମହାପ୍ରଭୁଙ୍କ ଦର୍ଶନ ସାରି ଶ୍ରୀମନ୍ଦିର ଭିତରେ ଥିବା ଉପବନରେ ବସି ଥିଲେ । ସେଠାରେ ହଠାତ୍ ତାଙ୍କର ଦେହ ଅସୁସ୍ଥ ହୋଇପଡ଼ିଥିଲା । ସଙ୍ଗେ ସଙ୍ଗେ ତାଙ୍କୁ ଆମ୍ବୁଲାନ୍ସ ଯୋଗୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । ସେଠାରେ ତାଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି ।
ସୂଚନା ଯୋଗ୍ୟ ଆଜି(ଶୁକ୍ରବାର) ପୁରୀଶ୍ରୀମନ୍ଦିରରେ ଜଣେ ହବିଷ୍ୟାଳି ଅସୁସ୍ଥ ହେବା କାରଣରୁ ମୃତ୍ୟୁ ହୋଇଛି । ମୃତ ହବିଷ୍ୟାଳି ଫକୀର ଧଳୁଆ ସରକାରଙ୍କ ହବିଷ୍ୟାଳି ଶିବିରରେ ରହୁଥିଲେ । ପ୍ରତିଦିନ ଭଳି ଆଜି ମଧ୍ୟ ସେ ମହାପ୍ରଭୁଙ୍କ ଦର୍ଶନ କରିବା ପାଇଁ ମନ୍ଦିରକୁ ଆସିଥିଲେ । ସେ ଦର୍ଶନ ସାରି ମନ୍ଦିର ଭିତରେ ଥିବା ଉପବନରେ ବସିଥିଲେ । ହେଲେ ହଠାତ ତାଙ୍କ ଦେହ ଅସୁସ୍ଥ ହୋଇପଡିଥିଲା ।ଏହା ପରେ ପ୍ରଶାସନ ତରଫରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା କିନ୍ତୁ ସେଠାରେ ଡାକ୍ତର ଚିକିତ୍ସାଧୀନ ଅବସ୍ଥାରେ ମୃତ ଘୋଷଣା କରିଥିଲେ । ଏହା ପରେ ମୃତଦେହକୁ ମେଡ଼ିକାଲରେ ମୃତଦେହ ସଂରକ୍ଷିତ ଗୃହରେ ରଖାଯାଇଛି । ତାଙ୍କ ପରିବାର ଲୋକମାନେ ଆସିଲେ ମୃତଦେହକୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି ।