ମହିଳାଙ୍କ ବେକରୁ ସୁନାଚେନ ଲୁଟ ଘଟଣା, ଜଣେ ଗିରଫ

ମହିଳାଙ୍କ ବେକରୁ ସୁନା ଚେନ ଲୁଟ କରିବା ଘଟଣାରେ ଜଣେ ଯୁବକକୁ ପୁରୀ ସଦର ଥାନା ପୋଲିସ ଗିରଫ କରିଛି। ଗିରଫ ଅଭିଯୁକ୍ତ ଜଣକ ହେଉଛି ତାଳବଣିଆର ମୁନୁ ବେହେରା । ଅଧିକ ପଢନ୍ତୁ..

ପୁରୀ: ଘରେ ପଶି ଛୁରୀ ଦେଖାଇ ଭୟଭୀତ କରି ମହିଳାଙ୍କ ବେକରୁ ସୁନା ଚେନ ଲୁଟ କରିବା ଘଟଣାରେ ଜଣେ ଯୁବକକୁ ପୁରୀ ସଦର ଥାନା ପୋଲିସ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଉଛି ତାଳବଣିଆର ମୁନୁ ବେହେରା ।

ମହିଳାଙ୍କ ବେକରୁ ସୁନାଚେନ ଲୁଟ ଘଟଣା, ଜଣେ ଗିରଫ

ପୋଲିସ ମୁନୁକୁ ଗିରଫ କରିବା ସହ ଚୋରି ସୁନା ଚେନ ଓ ତା ନିକଟରେ ଥିବା ଛୁରୀକୁ ପୋଲିସ ଜବତ କରିଛି । ପୋଲିସ ସୂଚନା ଅନୁଯାୟୀ, ଜାନୁଆରୀ 26 ସନ୍ଧ୍ୟା 6ଟା 45ରେ ସଦର ଥାନା ଭାରତୀପୁରର ଗଦାଧର ବେହେରାଙ୍କ ପତ୍ନୀ ମିନତୀ ବେହେରା ତାଙ୍କ ଘରେ ରୋଷେଇ କରୁଥିଲେ। ସେ ଏକୁଟିଆ ଥିବା ଦେଖି ଅଭିଯୁକ୍ତ ମୁନୁ ଘରେ ପଶି ମିନତୀଙ୍କୁ ଛୁରୀ ଦେଖାଇ ଭୟଭୀତ କରି ସେ ପିନ୍ଧିଥିବା ସୁନା ଚେନ ଲୁଟି ନେଇ ଫେରାର ହୋଇ ଯାଇଥିଲା । ଏ ନେଇ ଥାନାରେ ଅଭିଯୋଗ ପରେ ପୋଲିସ ଘଟଣାର ଅନୁସନ୍ଧାନ କରି ଅଭିଯୁକ୍ତ ମୁନୁକୁ ଗିରଫ କରି କୋର୍ଟ ଚାଲାଣ କରିଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ