ପୁରୀ : ଆସନ୍ତା ଜାନୁଆରୀ ୨୦ ରୁ ୨୨ ତାରିଖ ପର୍ଯ୍ୟନ୍ତ ୩ଦିନ ବ୍ୟାପୀ ଜାତୀୟସ୍ତରୀୟ ଆନ୍ତଃମହାବିଦ୍ୟାଳୟ, ବିଶ୍ବବିଦ୍ୟାଳୟର ସାଂସ୍କୃତିକ ମହୋତ୍ସବ ୨୬ତମ ଗ୍ଲୋରି ଫେଷ୍ଟ ୨୦୨୩ ଅନୁଷ୍ଠିତ ହେବ । ଏହି ମହୋତ୍ସବରେ ୧୨ ଗୋଟି ବିଭାଗରେ ବିଭିନ୍ନ ପ୍ରତଯୋଗିତା ଅନୁଷ୍ଠିତ ହେବ । ସେଗୁଡିକ ହେଲା ବକ୍ତୃତା, ତର୍କ, ସାଧାରଣ ଜ୍ଞାନ, ଅନ୍ତାକ୍ଷରୀ, ସ୍କଟ ଫେଟିଂ, ରେକର୍ଡ ଡ୍ୟାନ୍ସ, ଲୋକନୃତ୍ୟ, ନୃତ୍ୟ, ନାଟକ, ଯନ୍ତ୍ର ସଙ୍ଗୀତ, ଲଘୁ ସଙ୍ଗୀତ ଓ ଗ୍ଲୋରି କୁଇନ ପ୍ରଭୃତି ଅନୁଷ୍ଠିତ ହେବ । ଏଥିରେ ରାଜ୍ୟ ତଥା ରାଜ୍ୟ ବାହାରର ମହାବିଦ୍ୟାଳୟ ଓ ବିଶ୍ବବିଦ୍ୟାଳୟ ଏଥରେ ଅଂଶଗ୍ରହଣ କରିବାର କାର୍ଯ୍ୟକ୍ରମ ରହିଛି ।
ଏହି ମହୋତ୍ସବର ଉଦ୍ଯାପନୀ ୨୨ ଜାନୁଆରୀ ସନ୍ଧ୍ୟାରେ ପୁରୀ ବେଳାଭୂମୀରେ ପାଳନ କରାଯିବ । ପୁରୀରେ ଏକ ସାମ୍ୱାଦିକ ସମ୍ମିଳନୀରେ ଗ୍ଲୋରୀ ଫେଷ୍ଟ୍ କରାଯିବ ବୋଲି ଆୟୋଜକ ସୁଚନା ଦେଇଛନ୍ତି । କାର୍ଯ୍ୟକ୍ରମରେ ମୁମ୍ବାଇର ପ୍ରଚ୍ଛଦପଟ୍ଟ ଗାୟକ ଓ ସା.ରେ.ଗା.ମା.ପା.ର ଚମ୍ପିଆନ ଅନୀକ ଧାର ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି ଅବସରରେ ଛାତ୍ରୀଙ୍କୁ ଗ୍ଲୋରୀ କୁଇନ ଉପାଧିରେ ଭୂଷିତ କରାଯିବ । ଏହାସହିତ ସଂସ୍କୃତି ଓ ସାହିତ୍ୟକୁ ସମୃଦ୍ଧ କରିବାରେ ଓଡ଼ିଶାର ଅବଦାନ ଶୀର୍ଷକକୁ ନେଇ ଜାତୀୟସ୍ତରୀୟ ଆଲୋଚନା ଚକ୍ର ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ଗତ ୨ ବର୍ଷ ହେବ କୋଭିଡ କଟକଣା ହେତୁ ଏହି ଜାତୀୟସ୍ତରୀୟ କାର୍ଯ୍ୟକ୍ରମ ବନ୍ଦ ରହିଥିଲା । କାର୍ଯ୍ୟକ୍ରମରେ ଅଧିକରୁ ଅଧିକ ଲୋକ ସାମିଲ ହେବାକୁ ଆୟୋଜକଙ୍କ ପକ୍ଷରୁ ଅନୁରୋଧ କରାଯାଇଛି ।