ପୁରୀ:ବନ୍ୟା ଯୋଗୁଁ ପୁରୀ ଜିଲ୍ଲାର 11 ବ୍ଲକରୁ 5ଟି ବ୍ଲକ ପ୍ରଭାବିତ ହୋଇଛି। ମହାନଦୀରେ ବନ୍ୟା ଯୋଗୁଁ କୁଶଭଦ୍ରା, ଦୟା , ଭାର୍ଗବୀ, ଦେବୀ , ପ୍ରାଚୀ ଓ ଏହାର ଉପନଦୀ ଗୁଡିକ ଫୁଲିଛି। କଣାସ ,ପୁରୀ , ଡେଲାଙ୍ଗ, ନିମାପଡା, ପିପିଲି ବ୍ଲକର 56 ଗାଁ ବନ୍ୟା ଯୋଗୁଁ ପ୍ରଭାବିତ ହୋଇଛି। ବନ୍ୟା ଅଞ୍ଚଳରୁ 780ରୁ ଅଧିକ ଲୋକଙ୍କୁ ସ୍ଥାନାନ୍ତରିତ କରାଯାଇଛି। ପିପିଲି ଓ କଣାସରେ ଉଦ୍ଧାର କାର୍ଯ୍ୟ କରାଯାଇଛି । 3 ଟି ଏନଡିଆରଏଫ ଓ ଗୋଟିଏ ଓଡ୍ରାଫ ଟିମ ସହ 5 ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଚାଲିଛି ।
ପୁରୀରେ ବନ୍ୟା ସ୍ଥିତି , 5 ବ୍ଲକ ପ୍ରଭାବିତ
କଣାସ , ନିମାପଡା, ପିପିଲିରେ ଗୋଟିଏ ଲେଖାଏଁ ଏନଡିଆରଏଫ ଟିମ ମୁତୟନ ହୋଇଛନ୍ତି। ସେହିପରି, ବ୍ରହ୍ମଗିରିରେ ଓଡ୍ରାଫ ଟିମ ଓ କଣାସରେ 5 ଅଗ୍ନିଶମ ବାହିନୀ ଉଦ୍ଧାର ନିମନ୍ତେ ମୁତୟନ ହୋଇଇନ୍ତି । ଲୋକଙ୍କୁ ଖାଦ୍ୟ ଯୋଗାଇ ଦେବାକୁ ପଦକ୍ଷେପ ନିଆଯାଇଥିବା ଜିଲ୍ଲା ଜରୁରୀକାଳୀନ ବିଭାଗ ପକ୍ଷରୁ ସୂଚନା ଦିଆଯାଇଛି। ଘାଇ ହେବାର ଆଶଙ୍କା ଥିବା ସ୍ଥାନକୁ ଚିହ୍ନଟ କରାଯାଇଛି । ଏହାଉପରେ କଡା ନଜର ମଧ୍ୟ ରଖାଯାଇଛି ।