ପୁରୀ: ଲୋକନାଥ ମନ୍ଦିର ପରିସରରେ ଥିବା ପାର୍ବତ ସାଗର ପୁଷ୍କରିଣୀରେ ମାଛ ମଡକ । ଶହ ଶହ ମାଛ ମରି ପଡିଥିବା ଦେଖିବାକୁ ମିଳିଛି । ଦୂଷିତ ଜଳ କାରଣରୁ ଏଭଳି ଘଟିଥିବା ଅଭିଯୋଗ କରିଛନ୍ତି ଲୋକନାଥ ମନ୍ଦିର ସେବକ । ଯାହାକୁ ନେଇ ସେବାୟତ ମହଲରେ ଅସନ୍ତୋଷ ପ୍ରକାଶ ପାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପୁଷ୍କରିଣୀରେ ମୂର୍ତ୍ତି ବିସର୍ଜନ କରିବା ବାରଣ ଥିବା ସତ୍ତ୍ବେ ସ୍ଥାନୀୟ ଲୋକେ ବାରମ୍ବାର ମୂର୍ତ୍ତି ବିସର୍ଜନ କରୁଛନ୍ତି । ଯାହା ଫଳରେ ମୂର୍ତ୍ତିରେ ବ୍ୟବହୃତ ହେଉଥିବା ରାସାୟନିକ ପଦାର୍ଥ ଯୋଗୁଁ ପୁଷ୍କରିଣୀ ଦୂଷିତ ହେବାରେ ଲାଗିଛି । ଯାହା ଫଳରେ ମାଛ ମରିପଡିଥିବା ମନ୍ଦିର ସେବକ ଅଭିଯୋଗ କରିଛନ୍ତି ।