ପୁରୀ: ଜଙ୍ଗଲରେ ନିଆଁ ଲଗାଇଲେ ଦୁର୍ବୃତ୍ତ। ପିପିଲି ବ୍ଲକ କଣ୍ଟି ପଞ୍ଚାୟତ ଅନ୍ତର୍ଗତ ନିଜିଗଡକୁରୁକି କାଜୁ ଜଙ୍ଗଲରେ ନିଆଁ ଲଗାଇଛନ୍ତି ଦୁର୍ବୃତ୍ତ । ନିଆଁ ଲାଗିବାରୁ ଏକର ଏକର କାଜୁ ଜଙ୍ଗଲ ପୋଡି ନଷ୍ଟ ହୋଇଯାଇଛି। ସାରା ରାଜ୍ୟରେ ଜଙ୍ଗଲରେ ନିଆଁର ବିଭିଷିକା ଚାଲିଥିବା ବେଳେ ଏହାର ସୁଯୋଗ ନେଇ କାଜୁ ଜଙ୍ଗଲରେ ନିଆଁ ଲଗାଇ ଦେଇଛନ୍ତି ଦୁର୍ବୃତ୍ତ ।
ବର୍ଷ ବର୍ଷ ଧରି ପ୍ରାୟ 30 ପରିବାର ଏହି କାଜୁ ଜଙ୍ଗଲ ଉପରେ ନିର୍ଭର କରି ଚଳୁଥିବା ବେଳେ କୌଣସି ଦୁର୍ବୃତ୍ତ ଆକ୍ରୋଶ ମନୋଭାବ ରଖି ନିଆଁ ଲଗାଇ ଦେଇଥିବାର ଆଶଙ୍କା କରିଛନ୍ତି ଜଙ୍ଗଲ ଦାୟିତ୍ଵରେ ଥିବା ଲୋକେ । ରବିବାର ରାତିରେ ଜଙ୍ଗଲରେ ନିଆଁ ଲାଗିବା ପରେ ସ୍ଥାନୀୟ ଲୋକେ ଓ ଅଗ୍ନିଶମ ବିଭାଗ ନିଆଁକୁ ଆୟତ୍ତ କରିଥିବା ବେଳେ ସୋମବାର ମଧ୍ୟ କେତେକ ସ୍ଥାନରେ ନିଆଁ କୁହୁଳୁ ଥିବା ଦେଖିବାକୁ ମିଳିଛି । ସେପଟେ ଏଭଳି କାମ କରିଥିବା ଦୁର୍ବୃତ୍ତକୁ ଧରି ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସ୍ଥାନୀୟ ବାସିନ୍ଦା ଓ ସରପଞ୍ଚ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ