ନ୍ୟାୟ ପାଇଁ ଏସପିଙ୍କ ଦ୍ବାରସ୍ଥ ହେଲେ ମୃତ ଇନ୍ଦ୍ରମଣିଙ୍କ ପରିବାର
ପୁରୀ: ପୂର୍ବ ଶତ୍ରୁତାକୁ କେନ୍ଦ୍ର କରି ପୁରୀ ଜିଲ୍ଲା ସତ୍ୟବାଦୀ ଥାନା ଅନ୍ତର୍ଗତ ଷୋଳହଳ ଗ୍ରାମର ବ୍ୟକ୍ତିଙ୍କୁ ନିର୍ମମ ହତ୍ୟା । ଏହି ଘଟଣାକୁ ନେଇ ଥାନାରେ ଅଭିଯୋଗ ସତ୍ତ୍ବେ ଖୁଲମଖୁଲା ବୁଲୁଛନ୍ତି ହତ୍ୟା ଅଭିଯୁକ୍ତ । ଆଉ ଅଭିଯୁକ୍ତଙ୍କ ଟେର ପାଉନି ପୋଲିସ । ଏଭଳି ସଙ୍ଗୀନ ଅଭିଯୋଗ ନେଇ ମୃତ ଇନ୍ଦ୍ରମଣୀଙ୍କ ପରିବାର ଲୋକେ ପୁରୀ ଏସପିଙ୍କୁ ଭେଟି ନ୍ୟାୟ ଭିକ୍ଷା ମାଗିଛନ୍ତି ।
ସୂଚନାନୁସାରେ ସତ୍ୟବାଦୀ ଥାନା ଅନ୍ତର୍ଗତ ଷୋଳହଳ ଗ୍ରାମର ଇନ୍ଦ୍ରମଣୀଙ୍କ ସହ ସେହି ଗ୍ରାମର କିଛି ବାସିନ୍ଦାଙ୍କ ପୂର୍ବଶତୃତା ଥିଲା। ଏହାକୁ ନେଇ ଅନେକ ସମୟରେ ଇନ୍ଦ୍ରମଣୀଙ୍କ ସହ ଗଣ୍ଡଗୋଳ ହେଉଥିଲା । ତେବେ ଗତ ୩ ତାରିଖ ସକାଳେ ଇନ୍ଦ୍ରମଣୀ ଶୌଚ ହେବା ପାଇଁ ଗାଁ ପୋଖରୀକୁ ଯାଇଥିଲେ । ସେଠାରେ ସେହି ଗ୍ରାମର କିଛି ଦୁର୍ବୃତ୍ତମାନେ ଇନ୍ଦ୍ରମଣୀଙ୍କୁ ଏକା ଦେଖି ଅତର୍କିତ ଭାବେ ଆକ୍ରମଣ କରି ସେଠାରୁ ଫେରାର୍ ହୋଇଯାଇଥିଲେ । ଫଳରେ ଘଟଣାସ୍ଥଳରେ ଇନ୍ଦ୍ରମଣୀଙ୍କ ମୃତ୍ୟୁ ହୋଇଥିଲା ।