ପୁରୀ: ପଦାରେ ପଡ଼ିଲା ଟ୍ୟୁସନ ସାରଙ୍କ ଚୋରା ପ୍ରୀତି । ଛାତ୍ରୀଙ୍କୁ ଟ୍ୟୁସନ ସାର ଜଣକ ଅପହରଣ କରିଥିବା ନେଇ ଅଭିଯୋଗ ହୋଇଛି । ଏ ନେଇ ନ୍ୟାୟ ପାଇଁ ଛାତ୍ରୀଙ୍କ ପରିବାର ଲୋକ ପୁରୀ ଏସପିଙ୍କ ଅଫିସ ଆଗରେ ଦେଇଛନ୍ତି ଧାରଣା । ପୂର୍ବରୁ ପୋଲିସ ନିକଟରେ ଝିଅକୁ ଖୋଜିବା ଲାଗି ବାରମ୍ବାର ଅଭିଯୋଗ କରିଥିଲେ ସୁଦ୍ଧା ବିଳମ୍ବ ହୋଇଛି । ବାରମ୍ବାର ପୋଲିସ ଷ୍ଟେସନ ଯିବାରୁ ଦିବ୍ୟାଙ୍ଗ ବାପାକୁ ପୋଲିସ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି । ଏଭଳି ଘଟଣା ପୁରୀ ସଦର ଥାନା ଅନ୍ତର୍ଗତ ତଳଜଙ୍ଗ ଗ୍ରାମରେ ଘଟିଛି ।
ଟ୍ୟୁସନ କରୁଥିବା ସାର ନାବାଳିକା ଛାତ୍ରୀଙ୍କୁ ନେଇ ଫେରାର ହୋଇପଡ଼ିଥିବା ଅଭିଯୋଗ ହୋଇଛି । ଗତ ଡ଼ିସେମ୍ବର ମାସ ୭ ତାରିଖରେ ପୁରୀ ସଦର ଥାନା ଅନ୍ତର୍ଗତ ତଳଜଙ୍ଗ ଗ୍ରାମର ଘଟିଥିଲା । ନାବାଳିକା ତଥା ଦଶମ ଶ୍ରେଣୀର ଛାତ୍ରୀ ଜଣକ ଉକ୍ତ ଗ୍ରାମର ବିକ୍ରମ ନାୟକଙ୍କ ପାଖରେ ଟ୍ୟୁସନ ହେଉଥିଲା । ଗତ ମାସ ୭ ତାରିଖରେ ନାବାଳିକାକୁ ନେଇ କେଉଁ ଆଡ଼େ ଫେରାର ହୋଇଯାଇଥିବା ନାବାଳିକାଙ୍କ ପରିବାର ଲୋକ ଅଭିଯୋଗ କରିଛନ୍ତି। ଏହି ଘଟଣା ଘଟିବା ପରେ ପରିବାର ପକ୍ଷରୁ ସଦର ଥାନାରେ ଲିଖିତ ଅଭିଯୋଗ କରାଯାଇଥିଲା ।