ପୁରୀ: ଶ୍ରୀମନ୍ଦିର ଚତୁଃପାର୍ଶ୍ବରୁ 75 ମିଟର ପର୍ଯ୍ୟନ୍ତ ସୁରକ୍ଷା ଦୃଷ୍ଟିକୋଣରୁ ଉଚ୍ଛେଦ ପ୍ରକ୍ରିୟା ଜାରି ରହିଛି । ଏହି ଉଚ୍ଛେଦ ପ୍ରକ୍ରିୟାକୁ ନେଇ ଦିନକୁ ଦିନ ଗୁଜବ ବଢିବାରେ ଲାଗିଛି । ପୁରୀ ସହରର ରାସ୍ତା ଘାଟ ଚଉଡା ହେବା ପାଇଁ ବିଭିନ୍ନ ସ୍ଥାନରେ ପ୍ରଶାସନର ଉଚ୍ଛେଦ ଘଟଣା ପୁରୀବାସୀଙ୍କ ମନରେ ନିଦ ଉଡେଇ ଦେଇଛି । ସେପଟେ ଏଭଳି ଗୁଜବକୁ ବିଶ୍ବାସ ନକରିବାକୁ ପୁରୀ ସହରବାସୀଙ୍କୁ ବାର୍ତ୍ତା ଦେଇଛନ୍ତି ପୁରୀ ଜିଲ୍ଲାପାଳ ବଲବନ୍ତ ସିଂ ।
ସହରରେ ଅନ୍ୟ କୌଣସି ଜାଗାରେ ପ୍ରଶାସନ ଉଚ୍ଛେଦ ନେଇ କୌଣସି ଯୋଜନା ତଥା ନିଷ୍ପତ୍ତି ନିଆଯାଇନାହିଁ । ସେହିପରି ଭଙ୍ଗା ଯାଉଥିବା ମଠ ଗୁଡ଼ିକର ପୁନରୁଦ୍ଧାର ହେବ। ପାଇଁ ସରକାର ପର୍ଯ୍ୟାପ୍ତ ଆର୍ଥିକ ସାହାଯ୍ୟ ଯୋଗାଇ ଦେବେ । ସେହିପରି ଉଚ୍ଛେଦ ପ୍ରକ୍ରିୟାରେ 81ଟି ଦୋକାନ ବିସ୍ଥାପିତ ହୋଥିବାବେଳେ ତନ୍ମଧ୍ୟରୁ 26 ଜଣ ଦୋକାନୀଙ୍କୁ ପ୍ରଶାସନ ପକ୍ଷରୁ ଥଇଥାନ କରାଯାଇଛି ।
ଭିଡିଓ ସୌଜନ୍ୟ : ସମ୍ବାଦଦାତା, ପୁରୀ