ପୁରୀ: ଶ୍ରୀମନ୍ଦିର 75 ମିଟର ସୁରକ୍ଷା ଜୋନରୁ ବିସ୍ଥାପିତ ହେଉଥିବା 2ଟି ଲଜ୍ ଏବଂ ବ୍ୟବସାୟିକ ପ୍ରତିଷ୍ଠାନ ମାଲିକଙ୍କୁ ଥଇଥାନ କରାଯିବ । ଏନେଇ ବଗଲା ଧର୍ମଶାଳାର ଖାଲି ଜମିରେ ପ୍ଲଟିଂ ହୋଇଛି । ଏହି ଧର୍ମଶାଳାର 2.69 ଏକର ଜମିରେ 28ଟି ପ୍ଲଟ୍ ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ତେବେ ବିସ୍ଥାପିତ ଲଜ୍ ପାଇଁ 3ଟି ବର୍ଗରେ ନକ୍ସା କରାଯାଇଛି । ଏ- ବର୍ଗରେ 1500 ବର୍ଗଫୁଟ, ବି-ବର୍ଗରେ 2000 ବର୍ଗଫୁଟ ଏବଂ ସି-ବର୍ଗରେ 3000 ବର୍ଗ ଫୁଟ ରହିଛି । ପ୍ରଥମ ବର୍ଗରେ 8ଟି, ଦ୍ବିତୀୟ ବର୍ଗରେ 2ଟି ଏବଂ ତୃତୀୟ ବର୍ଗରେ 18ଟି ପ୍ଲଟର ତର୍ଜମା କରିଛି ପ୍ରଶାସନ । ଏସବୁ ନକ୍ସା ଗୁଡିକୁ ପିକେଡିଏ ଅନୁମୋଦନ ପାଇଁ ପଠାଯାଇଛି ।