ପୁରୀ: ସଜାଗ ହୋଇଛି ପୁରୀ ପୋଲିସ । ପୁଣି ଅପରାଧୀଙ୍କ ଉପରେ କାର୍ଯ୍ୟାନୁଷ୍ଠାନ ନେବା ଆରମ୍ଭ କରିଛି। ସୋମବାର ରାତିରେ ତାଳବଣିଆ ଓ ବାସେଳିସାହି ଅଞ୍ଚଳରେ ଦୁଇ ଅପରାଧୀଙ୍କୁ କାବୁ ନେଇ ଏନକାଉଣ୍ଟର କରିଛି। ଦୁଇ ଆହତ ଅପରାଧୀ ହେଲେ ବିଶ୍ବ ରଞ୍ଜନ ସାହୁ ଓରଫ ବିଶୁ ଏବଂ ସେୟାମତ ଖାଁ ଓରଫ ଟିକି ।
ଏମାନଙ୍କ ବିରୋଧରେ ବିଭିନ୍ନ ଥାନାରେ ଏକାଧିକ ମାମଲା ରହିଛି। ପୋଲିସ ତାଲିକାରେ ଦୁହେଁ ୱାଣ୍ଟେଟ ଥିଲେ। ସୋମବାର ପୋଲିସ ଖବର ପାଇଁ ବାସେଳି ସାହି ଓ ତାଳ ବଣିଆ ଅଞ୍ଚଳରେ ଚଢ଼ାଉ କରି ଦୁଇ ଅପରାଧୀଙ୍କୁ ଧରିବାକୁ ପୋଲିସ ଚେଷ୍ଟା କାରିଥିଲା। ହେଲେ ଏହି ଦୁଇ ଅପରାଧୀ ପୋଲିସ ଉପରକୁ ଗୁଳି ଚଳାଇ ଖସି ଯାଉଥିବା ବେଳେ ପୋଲିସ ପାଲଟା ଗୁଳି ଚାଳନା କରିବାରୁ ଏହି ଦୁଇ ଅପରାଧୀ ଆହତ ହୋଇଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ