ପୁରୀ: ଐତିହାସିକ ଏମାର ମଠ ପରେ ମାଟିରେ ମିଶିଛି ରଘୁନନ୍ଦନ ଲାଇବ୍ରେରୀ । 1921 ମସିହାରେ ପ୍ରତିଷ୍ଠା ହୋଇଥିବା ଏହି ଲାଇବ୍ରେରୀ ଉପରେ ବୁଲଡୋଜର ମାଡି ଯାଇଛି । ଯାହାଫଳରେ ଓଡିଶାର ସଂସ୍କୃତି ଓ ଇତିହାସର ଗନ୍ତାଘର ଥିବା ପାଠାଗାର ଓ ମଠ ଏବେ ଇତିହାସ ପୃଷ୍ଠାରେ ।
ପୁରୀ ପ୍ରଶାଶନ ପକ୍ଷରୁ ଏହାକୁ ଅସୁରକ୍ଷିତ ଗୃହ ଘୋଷଣା କରାଯାଇ ଭଙ୍ଗାଯାଇଥିଲା । ଶୁକ୍ରବାର ସକାଳ 6 ଟାରୁ ସନ୍ଧ୍ୟା 6ଟା ଯାଏଁ ଉଚ୍ଛେଦ ପ୍ରକ୍ରିୟା ଚାଲିଥିଲା । ଏମାର ମଠ ଉଚ୍ଛେଦ ପ୍ରକ୍ରିୟାର ତୃତୀୟ ଦିନରେ ପ୍ରଥମେ ଏମାର ମଠ ପଛପଟୁ ଚାଲିଥିବା ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପୁରୀ ଜିଲ୍ଲାପାଳ, ଏସପିଙ୍କ ସମେତ ବରିଷ୍ଠ ଅଧିକାରୀ ଏଥିରେ ସାମିଲ ଥିଲେ । ଶୁକ୍ରବାର ସିଂହ ଦ୍ବାର ସମ୍ମୁଖରେ ଥିବା ଏମାର ମଠର ବିଶାଳ ଦ୍ଵିତଳ ପ୍ରସାଦକୁ ଭଙ୍ଗାଯାଇଥିଲା । ଶନିବାର ଏମାର ମଠର ପୁରୁଣା ପରିତ୍ୟକ୍ତ ଗୃହକୁ ଭଙ୍ଗାଯିବ । ତେବେ ଏମାର ମଠର ମହନ୍ତ କିନ୍ତୁ ରଘୁନନ୍ଦନ ଲାଇବ୍ରେରୀକୁ ଉଚ୍ଛେଦକୁ ବିରୋଧ କରି ଦିନ ସାରା ପୁରୁଣା ଗୃହରେ ରହିଥିଲେ ।