ପୁରୀ: କୋରୋନା ଲକ୍ଷଣ ନଥିବା ସଂକ୍ରମିତ ରୋଗୀଙ୍କ ଗୃହ ଏକାନ୍ତବାସ ସମ୍ପର୍କରେ ନିଳାଦ୍ରି ବେଳାଭୂମିରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଲକ୍ଷଣ ନଥିବା କୋରୋନା ସଂକ୍ରମିତ ବ୍ୟକ୍ତି ନିଜ ଘରେ ଏକାନ୍ତବାସ ନିମନ୍ତେ ଅଲଗା ଘର ଓ ଶୌଚାଳୟ ଥିବା ଆବଶ୍ୟକ । ସଂପୃକ୍ତ ବ୍ୟକ୍ତିଙ୍କ ଦେଖାଶୁଣା ଓ ଯତ୍ନ ନେବା ପାଇଁ ଜଣେ ସୁସ୍ଥ ଲୋକ ଘରେ ଥିବା ଆବଶ୍ୟକ । ସଂକ୍ରମିତ ବ୍ୟକ୍ତିଙ୍କର ମଧୁମେହ ଓ କର୍କଟ ଭଳି ଅନ୍ୟରୋଗ ନଥିବ ଏବଂ ସେ ଶିଶୁ କିମ୍ବା ତାଙ୍କୁ ୬୦ ରୁ ଊର୍ଦ୍ଧ୍ବ ବୟସ ନହେବା ଉଚିତ ।
ଏକାନ୍ତବାସ ନିମନ୍ତେ ସଂପୃକ୍ତ ବ୍ୟକ୍ତି ଲିଖିତ ଭାବେ ଇଛାବ୍ୟକ୍ତ କରିବେ । ଏଭଳି ରୋଗୀ ଚିହ୍ନଟ ପରେ ଡାକ୍ତରୀ ଦଳ ଘରକୁ ଯାଇ ଗୃହ ଏକାନ୍ତବାସ ପାଇଁ ଥିବା ବ୍ୟବସ୍ଥା ଯାଞ୍ଚ କରିବେ । ଏଥିପାଇଁ ସଂପୃକ୍ତ ଓ୍ବାର୍ଡ ନୋଡାଲ ଅଧିକାରୀ ସହଯୋଗ କରିବେ । ସଂକ୍ରମିତ ବ୍ୟକ୍ତିଙ୍କ ଘର ଆଗରେ ନାଲି ରଙ୍ଗ ଷ୍ଟିକର ଲଗାଯିବ । ଏଥିରେ ସବିଶେଷ ତଥ୍ୟ ରହିବ ଓ ସେହି ବ୍ୟକ୍ତି ଓ ତାଙ୍କ ପରିବାର ସଦସ୍ୟ ଯେପରି ବାହାରେ ବୁଲାବୁଲି ନକରିବାକୁ ନୋଡାଲ ଅଧିକାରୀ ମାନେ ନିଶ୍ଚିତ କରିବେ । ନିୟମିତ ସ୍ବାସ୍ଥ୍ୟ ଯାଞ୍ଚ କରାଯିବା ସହ ଜରୁରୀ ବେଳେ ଆବଶ୍ୟକୀୟ ସେବା ଯୋଗାଇ ଦିଆଯିବ ।