ପୁରୀ: ଲୋକନାଥ ମନ୍ଦିରରେ ଜଣେ ଭକ୍ତଙ୍କ ପରିବାରକୁ ଦୁର୍ବ୍ୟବହାର ପ୍ରଦର୍ଶନ କରାଯାଇଥିବା ଅଭିଯୋଗ ହୋଇଛି । ଦକ୍ଷିଣା ନଦେବାରୁ ଉକ୍ତ ଭକ୍ତଙ୍କ ପରିବାରକୁ ମନ୍ଦିର ଭିତରୁ ତଡି ଦିଆଯାଇଥିବା ଅଭିଯୋଗ ହୋଇଛି । ଏ ସମ୍ପର୍କରେ ପୁରୀ ଏସପିଙ୍କ ଦୃଷ୍ଟି ଆକର୍ଷଣ କରାଯାଇଛି।
ଲୋକନାଥ ମନ୍ଦିରରେ ଭକ୍ତଙ୍କୁ ଦୁର୍ବ୍ୟବହାର ଅଭିଯୋଗ
ମିଳିଥିବା ସୂଚନା ଅନୁଯାୟୀ, ଜଗତସିଂହପୁର ପ୍ରବୀର ପ୍ରଧାନ ତାଙ୍କ ସ୍ତ୍ରୀ , ଝିଅ ଓ ମା'ଙ୍କ ସହ ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ପରେ ପ୍ରସିଦ୍ଧ ଲୋକନାଥଙ୍କ ମନ୍ଦିରକୁ ଦର୍ଶନ ପାଇଁ ଯାଇଥିଲେ। ଲୋକନାଥଙ୍କ ନିକଟରେ ମାନସିକ ଥିବାରୁ ଏହା ପୂରଣ ପାଇଁ ଯାଇଥିଲେ। ଯିବାବେଳେ ପ୍ରବୀରଙ୍କୁ 125 ଟଙ୍କାର ଏକ ରସିଦ କାଟିବାକୁ ବାଧ୍ୟ କରାଯାଇଥିଲା । ରସିଦ କାଟିବା ପରେ ଲୋକନାଥ ମନ୍ଦିର ଭିତରକୁ ପ୍ରବେଶ କରିଥିଲେ । ପରେ କିଛି ସେବାୟତ ତାଙ୍କ ଠାରୁ 501 ଟଙ୍କା ଦାବି କରିଥିଲେ ବୋଲି ପ୍ରବୀର ଅଭିଯୋଗ କରିଛନ୍ତି ।