ବ୍ରହ୍ମଗିରି: ପୁରୀ ଜିଲ୍ଲା ବ୍ରହ୍ମଗିରି ବ୍ଲକ ସଦର ଥାନା ଅନ୍ତର୍ଗତ କପିଳେଶ୍ବରପୁର ପଞ୍ଚାୟତରେ ମଦ ପିଇ ଯୁବକର ମୃତ୍ୟୁ । ଶତାଧିକ ଉତ୍ତ୍ୟକ୍ତ ମହିଳା ଏକତ୍ରିତ ହୋଇ ଦେଶୀ ମଦଭାଟି ଭାଙ୍ଗି ଦେଇଛନ୍ତି ।
ଭିଡିଓ ସୌଜନ୍ୟ : ପ୍ରତିନିଧି,ବ୍ରହ୍ମଗିରି
କପିଳେଶ୍ବରପୁର ପଞ୍ଚାୟତ ଅଧୀନ ବିଲକାଙ୍କୁଡା ଗ୍ରାମର ସଦେଇ ନାୟକର ମୁତ୍ୟୁ ହୋଇଥିଲା । ସେହି ଗ୍ରାମ ପଞ୍ଚାୟତର ଶତାଧିକ ମହିଳା ଏକତ୍ରିତ ହୋଇ ମଦ ପିଇ ସଦେଇର ମୁତ୍ୟୁ ହୋଇଥିବା ଅଭିଯୋଗ କରିଛନ୍ତି । ଶୁକ୍ରବାର ଦିନ ମହିଳା ମାନେ ହାତରେ ଠେଙ୍ଗାବାଡି ଧରି ଉକ୍ତ ପଞ୍ଚାୟତର ଗେଣ୍ଡାପଡ଼ା ହରିଜନ ସାହିରେ ତିଆରି ହେଉଥିବା ଦେଶୀ ମଦ ଭାଟି ଉପରେ ଅତର୍କିତ ଆକ୍ରମଣ କରିଛନ୍ତି ।