ଆଶା କର୍ମୀ ଓ ଦୁଇ ଝିଅଙ୍କୁ ମରଣାନ୍ତକ ଆକ୍ରମଣ

ବ୍ରହ୍ମଗିରି ଥାନା ଅନ୍ତର୍ଗତ ହାସିନିପୁର ଗ୍ରାମରେ ଜଣେ ଆଶା କର୍ମୀ ଏବଂ ତାଙ୍କର ଦୁଇ ଝିଅଙ୍କୁ ମରଣାନ୍ତକ ଆକ୍ରମଣ । ଆହତ ତିନିଜଣଙ୍କୁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଅଧିକ ଖବର ପଢନ୍ତୁ...

ବ୍ରହ୍ମଗିରି: ବ୍ରହ୍ମଗିରି ଥାନା ଅନ୍ତର୍ଗତ ହାସିନିପୁର ଗ୍ରାମରେ ଜଣେ ଆଶା କର୍ମୀ ଏବଂ ତାଙ୍କର ଦୁଇ ଝିଅଙ୍କୁ ମରଣାନ୍ତକ ଆକ୍ରମଣ । ମଙ୍ଗଳବାର ବିଳମ୍ବିତ ରାତିରେ ମହିଳାଙ୍କ ଦେଢଶୂର ଓ ଦିଅର ଆକ୍ରମଣ କରିଥିବା ସୂଚନା ମିଳିଛି ।

ତେବେ ସ୍ଥାନୀୟ ଲୋକେ ଘଟଣା ସମ୍ପର୍କରେ ଜାଣି ଆହତ ତିନିଜଣଙ୍କୁ ରେବଣା ନୂଆଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ ।

ସେଠାରେ ଅବସ୍ଥା ଗୁରୁତର ହେବାରୁ ଆହତ ତିନି ଜଣଙ୍କୁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ଏଭଳି ଏକ ଆକ୍ରମଣର କାରଣ ଅସ୍ପଷ୍ଟ ରହିଛି ।

ବ୍ରହ୍ମଗିରିରୁ ଦେବାଶିଷ ଦାଶ, ଇଟିଭି ଭାରତ