ନ୍ୟାୟ ଦାବିରେ ନବୀନ ନିବାସ ଯାତ୍ରା କଲେ ଦଳିତ ପରିବାର

ନ୍ୟାୟ ଦାବିରେ ଦଳିତ ପରିବାର ସଦସ୍ୟଙ୍କ ନବୀନ ନିବାସ ଯାତ୍ରା । ନ୍ୟାୟ ନ ମିଳିଲେ ଆତ୍ମହୁତି ଦେବେ ବୋଲି କହିଲେ ପରିବାର ଲୋକେ । ଅଧିକ ପଢନ୍ତୁ.....

ପୁରୀ: ପୋଲିସ ଓ ସରପଞ୍ଚଙ୍କ ମନମୁଖୀ କାର୍ଯ୍ୟ ପ୍ରତିବାଦ କରି ରାଜରାସ୍ତାକୁ ଓହ୍ଲାଇଲେ ଦଳିତ ପରିବାର। ପୁରୀ ଜିଲ୍ଲା ନିମାପଡା ବ୍ଲକ ଅନ୍ତର୍ଗତ ଅରିଷଣ୍ଡ ଗାଁର ଜନୈକ ଦଳିତ ପରିବାରର 5 ଜଣ ସଦସ୍ୟ ଚାଲି ଚାଲି ନବୀନ ନିବାସ ଅଭିମୁଖେ ଯାତ୍ରା କରିଛନ୍ତି। ନିମାପଡା ପୋଲିସ ଓ ଅରିଷଣ୍ଡ ସରପଞ୍ଚ ଏମାନଙ୍କୁ ମାନସିକ ଓ ଶାରିରୀକ ନିର୍ଯ୍ୟାତନା ଦେବା ସହିତ ତାଙ୍କ ଘରକୁ ଭାଙ୍ଗିବା ପାଇଁ ଉଦ୍ୟମ କରୁଛନ୍ତି ବୋଲି ଅଭିଯୋଗ ହୋଇଛି। ଯାହାର ପ୍ରତିବାଦରେ ଦଳିତ ପରିବାରର 5 ଜଣ ସଦସ୍ୟ ନିମାପଡାରୁ ଚାଲି ଚାଲି ନବୀନ ନିବାସ ଅଭିମୁଖେ ଯାତ୍ରା କରୁଥିବା ବେଳେ ତାଙ୍କୁ ନ୍ୟାୟ ନ ମିଳିଲେ ପରିବାରର ସମସ୍ତ ସଦସ୍ୟ ଆତ୍ମହୁତି ଦେବେ ବୋଲି ଚେତବାନୀ ଦେଇଛନ୍ତି ।

ସୂଚନା ଅନୁଯାୟୀ ଅରିଷଣ୍ଡ ପଞ୍ଚାୟତରେ ନିର୍ମଣାଧୀନ କଲ୍ୟାଣ ମଣ୍ଡପ ନିକଟରେ ଦଳିତ ପରିବାର ସଦସ୍ୟ ମାନେ ରହୁଥିବା ବେଳେ ତାଙ୍କୁ ସ୍ଥାନୀୟ ସରପଞ୍ଚ ସେ ସ୍ଥାନରୁ ଉଠାଇ ଦେବାକୁ ଉଦ୍ୟମ କରୁଛି । ଏହାସହସେହି ପରିବାରର ଝିଅ ମାନଙ୍କୁ ଖରାପ ବ୍ୟବହାର କରୁଥିବା ନେଇ ଅଭିଯୋଗ ହେବା ପରେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରୁ ନାହିଁ । ଫଳରେ ପରିବାର ଲୋକେ ଏପରି ପଦକ୍ଷେପ ଗ୍ରହଣ କରିଛନ୍ତି । ସେପଟେ ଜାତୀୟ ଦଳିତ ଅ।ଦିବାସୀ ମାଇନରଟି ମହାସଂଘ ରାଜ୍ୟ ସଭାପତି ଘଟଣାକୁ ନିନ୍ଦା କରିବା ସହିତ ଏହି ପରିବାର ମାନଙ୍କୁ ନ୍ୟାୟ ନ ମିଳିଲେ ସଂଘ ଏହାକୁ ନେଇ ରାଜରାସ୍ତା କୁ ଓହ୍ଲାଇବ ବୋଲି ଚେତାବନୀ ଦେଇଛନ୍ତି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ