‘ହୋଟେଲରେ ବୁକିଂ ଅଛି, ମୁଁ ଯିବି ପୁରୀ’, ଭିଡିଓ ଭାଇରାଲ

ବିଦେଶରୁ ପୁରୀ ବୁଲିବାକୁ ଆସୁଥିବା ଜଣେ ପର୍ଯ୍ୟଟକଙ୍କୁ ପିପିଲି ଟୋଲ ଗେଟ ଠାରେ ଫେରି ଯିବା ପାଇଁ ବୁଝା ଯାଇଥିଲା । ହେଲେ ପର୍ଯ୍ୟଟକ ଜଣକ ଅରାଜି ହୋଇଥିଲେ ।

ପୁରୀ: ଭୁବନେଶ୍ବରର ଜାତୀୟ ରାଜପଥର ପିପିଲି ଟୋଲ ଗେଟ ନିକଟରେ ପୁରୀ ଆସୁଥିବା ଚାରି ଚକିଆ ଓ ଟୁରିଷ୍ଟ ଗାଡି ଗୁଡିକୁ ପୁରୀକୁ ପ୍ରବେଶ କରାଇ ଦିଆ ଯାଉ ନାହିଁ । କରୋନା ସତର୍କତା ନେଇ ମଧ୍ୟ ସଚେତନତା କାର୍ଯ୍ୟକ୍ରମ ମଧ୍ୟ କରାଯାଉଛି । ତେବେ ଅନେକ ପର୍ଯ୍ୟଟକ ଏହାକୁ ନେଇ ଅସନ୍ତୋଷ ପ୍ରକାଶ କରୁଛନ୍ତି । ଏହାର ଏକ ଦୃଶ୍ୟ ସୋସିଆଲ ମିଡିଆ ରେ ଭାଇରାଲ ହେବାରେ ଲାଗିଛି।

ବିଦେଶରୁ ପୁରୀ ବୁଲିବାକୁ ଆସୁଥିବା ଜଣେ ପର୍ଯ୍ୟଟକଙ୍କୁ ପିପିଲି ଟୋଲ ଗେଟ ଠାରେ ଫେରିଯିବା ପାଇଁ ବୁଝା ଯାଇଥିଲେ ମଧ୍ୟ ସେ ରାଜି ହୋଇ ନ ଥିଲେ । ଏନେଇ ଦୀର୍ଘ 30 ମିନିଟ ଧରି ମୁତୟନ ଥିବା ସ୍ବେଚ୍ଛାସେବୀ ବହୁତ ବୁଝାଇବା ପରେ ସେ ଫେରି ଥିଲେ । ଏହି ଭିଡିଓ ଏବେ ସୋସିଆଲ ମିଡିଆ ରେ ଭାଇରାଲ ହୋଇଛି। ଯାହାକି ଚର୍ଚ୍ଚାର ବିଷୟ ହୋଇଛି।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ