ପୁରୀ: ସାରା ଦେଶରେ 21ଦିନ ଧରି ହେବାକୁ ଥିବା ଲକଡାଉନ ଗୁରୁବାର 10 ଦିନରେ ପହଞ୍ଚିଛି । ତେବେ ପୁରୀ ଜିଲ୍ଲାବାସୀ ସଠିକ ଭାବେ ଲକଡାଉନ ନିୟମକୁ ମାନୁ ଥିବାରୁ ପୁରୀ ଜିଲ୍ଲାପାଳ ବଲବନ୍ତ ସିଂ ପୁରୀ ଜିଲ୍ଲାବାସୀଙ୍କୁ ଧନ୍ୟବାଦ ଦେଇଛନ୍ତି। ଏହି ସମୟରେ ଲୋକମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । ତେବେ ଧର୍ଯ୍ୟର ସହ ଆଉ କିଛିଦିନ ଲକଡାଉନ ନିୟମ ପାଳନ ଜାରି ରଖିବାକୁ ଜିଲ୍ଲାପାଳ ପୁରୀବାସୀଙ୍କୁ ନିବେଦନ କରିଛନ୍ତି।
ପୁରୀବାସୀଙ୍କୁ ଧନ୍ୟବାଦ ଦେଲେ ଜିଲ୍ଲାପାଳ
ସେହିପରି ଜିଲ୍ଲାପାଳଙ୍କ ଗୁରୁତ୍ବପୂର୍ଣ୍ଣ ସୂଚନା ଅନୁଯାୟୀ, ପୁରୀ ଜିଲ୍ଲାରେ ମୋଟ 47 ଟି କୋରୋନା ସନ୍ଦିଗ୍ଧ ନେଇ ସାମ୍ପଲ ଟେଷ୍ଟ ପାଇଁ ଭୁବନେଶ୍ବରକୁ ପଠାଯାଇଛି। ସେଥିମଧ୍ୟରୁ 38 ଟି ସାମ୍ପଲ ରିପୋର୍ଟ ନେଗେଟିଭ ଆସିଛି । ତେବେ ସାମାନ୍ୟ ଜର କି ଥଣ୍ଡା ହେଲେ ଅବହେଳା ନକରି ତୁରନ୍ତ ଡ଼ାକ୍ତରଙ୍କ ପରାମର୍ଶ ନେବାକୁ ଜିଲ୍ଲାପାଳ ବଲବନ୍ତ ସିଂ କହିଛନ୍ତି ।