ପୁରୀ: କୋରୋନା ନେଇ ସତର୍କତା ଓ ସଚେତନା ପାଇଁ ରାଜ୍ୟ ସରକାର ପୁନଃ ଲକଡାଉନ ଘୋଷଣା କରିଛନ୍ତି। ଅତି ଜରୁରୀ ନ ହେଲେ କୌଣସି ବ୍ୟକ୍ତି ଘରୁ ନବାହାରିବାକୁ ସରକାର ବାରମ୍ବାର ଲୋକଙ୍କୁ ଅନୁରୋଧ କରିଛନ୍ତି। ଏହାକୁ ନମାନିଲେ କୋରୋନା ବ୍ୟାପିବା ସହ ଅନେକ ଲୋକଙ୍କ ଜୀବନ ପ୍ରତି ବିପଦ ସୃଷ୍ଟି ହେବ ବୋଲି କହୁଛନ୍ତି। ତେବେ ପୁରୀ ଜିଲ୍ଲା ଡେଲାଙ୍ଗ ହରିରାଜପୁର ପଞ୍ଚାୟତରେ ସ୍ଵୟଂ ସହାୟକ ଗୋଷ୍ଠୀର ମହିଳାମାନେ ଲକଡାଉନ ସମୟରେ ଘରଘର ବୁଲି ପରିବା ବିକ୍ରି କରିବା ସହିତ କୋରୋନା ସଚେତନତା ବାର୍ତ୍ତା ବାଣ୍ଟୁଥିବାର ନଜର ଆସୁଛନ୍ତି।
ସ୍ଵୟଂ ସହାୟକ ଗୋଷ୍ଠୀ ପକ୍ଷରୁ କୋରୋନା ସଚେତନା ବାର୍ତ୍ତା
ପୁରୀ ଜିଲ୍ଲା ମିଶନ ଶକ୍ତି ମହାସଂଘର ସଭାନେତ୍ରୀ ବାସନ୍ତି ସାହୁଙ୍କ ନେତୁତ୍ଵରେ ମହିଳା ସ୍ଵୟଂ ସହାୟକ ଗୋଷ୍ଠୀର ମହିଳା ମାନେ ସୁଲଭ ଦରରେ ଘରେ ଘରେ ପରିବା ବିକ୍ରି କରିବା ସହିତ କୋରୋନା ମହାମାରୀ ସମ୍ପର୍କରେ ଲୋକଙ୍କୁ ସଚେତନ କରାଉଛନ୍ତି ।