ପୁରୀ: ଆଉ ଦିନକ ପରେ ବିଶ୍ବ ପ୍ରସିଦ୍ଧ ଘୋଷଯାତ୍ରା । ବର୍ଷକର ଅପେକ୍ଷା ପରେ ପୁଣି ରତ୍ନ ବେଦୀରୁ ବାହାରି ଆସି ମାଉସୀ ଘରକୁ ଯିବେ ଚତୁର୍ଦ୍ଧାମୂର୍ତ୍ତି । ସେଥିପାଇଁ ଚଳଚଞ୍ଚଳ ହୋଇଉଠିଲାଣି ରଥଖଳା । ତିନି ରଥକୁ ଶେଷ ସ୍ପର୍ଶ ଦେବାକୁ ଆପ୍ରାଣ ଉଦ୍ୟମ ଜାରି ରଖିଛନ୍ତି ସେବକ । ଗତକାଲି ଦୁଆର କାମ ଶେଷ ହେବା ପରେ ଆଜି ତିନି ରଥକୁ ସଂଯୋଗ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଅନ୍ୟପଟେ ପ୍ରଭା କାମ ଏହାରି ମଧ୍ୟରେ ଶେଷ ହୋଇଥିବା ବେଳେ ରାତି ସୁଦ୍ଧା ପ୍ରଭା ସଂଯୋଗ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ରଖାଯାଇଛି । ସେହିପରି ତିନି ରଥ ପାଇଁ ବେଦୀ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ବେଦୀ କାମ ବ୍ୟତୀତ ଚାଳି ମଧ୍ୟ ଖୋଲାଯାଇଛି । ଏହି କାର୍ଯ୍ୟକୁ ଭୋଇ ସେବକମାନେ ସମ୍ପାଦନ କରିଛନ୍ତି ।