ପୁରୀ: ଆସନ୍ତା 23ରେ ମହାପ୍ରଭୁଙ୍କ ରଥଯାତ୍ରା । ରଥଯାତ୍ରା ସମୟ ଯେତିକି ପଖାଉଛି ସେତିକି ଜୋରସୋରରେ ଆଗେଇ ଚାଲିଛି ତିନି ରଥର କାର୍ଯ୍ୟ । ବର୍ତ୍ତମାନ ସୁଦ୍ଧା ତିନି ରଥର 75 ପ୍ରତିଶତ କାର୍ଯ୍ୟ ଶେଷ ହୋଇଛି । ରଥର ବେଦୀ ସିଂହାସନ, ପ୍ରଭା କାମ ବାକି ରହିଛି ।
ପାଖଉଛି ରଥଯାତ୍ରା, ସରିଲାଣି 75 ପ୍ରତିଶତ ରଥକାମ
ଅନ୍ୟପଟେ ଚିତ୍ରକର ସେବକମାନେ ତିନି ରଥରେ ରଙ୍ଗ ଦେବା କାର୍ଯ୍ୟ ଆଗେଇ ନେଉଛନ୍ତି । ତିନି ରଥର ଚକ ସମେତ କୋଣ, ଗୁଜ ଆଦି ରଙ୍ଗ କରୁଛନ୍ତି । ସେପଟେ ରଥର ସଖୀ, ପାର୍ଶ୍ଵ ଦେବାଦେବୀ, ଓଲଟ ସୁଆ ଆଦିର ରଙ୍ଗ କାର୍ଯ୍ୟ ଚାଲିଛି । ଦେବସ୍ନାନ ପୂର୍ଣ୍ଣିମାଠାରୁ ଚିତ୍ରକର ସେବକମାନେ ନିଷ୍ଠାର ସହ ରହି ମହାପ୍ରଭୁଙ୍କ ରଥର ରଙ୍ଗ କାର୍ଯ୍ୟ କରନ୍ତି ।