ପୁରୀ: ଭାଟିକାନ ସିଟିରେ ପହଞ୍ଚିଲା ପୁରୀର ପଟ୍ଟଚିତ୍ର । ୨ଫୁଟ ଓସାର ଓ ୩ ଫୁଟ ଉଚ୍ଚତାର ଏହି ପଟ୍ଟଚିତ୍ରଟିକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରୋମ ଗସ୍ତରେ ଯାଇଥିବାବେଳେ ପୋପଙ୍କୁ ପ୍ରଦାନ କରିଛନ୍ତି । ଜଳ ହିଁ ଜୀବନର ଶିର୍ଶକ ଦର୍ଶାଉଥିବା ଏହି ପଟ୍ଟଚିତ୍ରଟି ପୋପଙ୍କୁ ବେଶ ଆକୃଷ୍ଟ କରିଛି । ପୁରୀ ରଘୁରାଜପୁରର ଅପିନ୍ଦ୍ର ଓ ତାଙ୍କର ପରିବାର ଏହି ନିଖୁଣ ପଟ୍ଟଚିତ୍ରଟିକୁ ତିଆରି କରିଛନ୍ତି ।
ପୋପଙ୍କୁ ପୁରୀର ପଟ୍ଟଚିତ୍ର ଉପହାର ଦେଲେ ନବୀନ
ଅପିନ୍ଦ୍ର ଏହି ଚିତ୍ରଟିକୁ ୧୨ହଜାର ଟଙ୍କାରେ ବିକ୍ରୀ କରିଥିଲେ। ଯାହାର କନ୍ସେପ୍ଟ ଥିଲା 'ଟ୍ରି ଅଫ୍ ଲାଇଫ' । ମାତ୍ର ମୁଖ୍ୟମନ୍ତ୍ରୀ ଏହାକୁ ନେଇ ପୋପଙ୍କୁ ଉପହାର ଦେବେ ବୋଲି ସେ ଜାଣିନଥିବା କହିଛନ୍ତି । ଖବର ଜାଣିବା ପରେ ପ୍ରେରଣା ପାଇଲେ ଏବଂ ଆଗକୁ ଆହୁରି ଭଲ କନସେପ୍ଟ ନେଇ ପଟ୍ଟଚିତ୍ର କରିବେ । ଯେଭଳି ଓଡିଶା କି ଭାରତ ନୁହେଁ ସାରା ବିଶ୍ୱରେ ତାଙ୍କ ପଟ୍ଟଚିତ୍ର ଆଦୃତ ହୋଇପାରିବ ବୋଲି କହିଛନ୍ତି । ପୋପଙ୍କ ପଟ୍ଟଚିତ୍ର ଉପହାରକୁ ନେଇ ସବୁଠି ଚର୍ଚ୍ଚା ।