ପୁରୀ: ଆଜି(ମଙ୍ଗଳବାର) ଚମ୍ପକ ଦ୍ଵାଦଶୀ । ଏହି ଅବସରରେ ଶ୍ରୀକ୍ଷେତ୍ରରେ ମହାପ୍ରଭୁଙ୍କ ଗୁଆଲି ଯାତ୍ରା ଅନୁଷ୍ଠିତ ହୋଇଥାଏ । ମହାପ୍ରଭୁଙ୍କ ବିବାହ ପରଦିନ ଦେବ ଦମ୍ପତି ନଗର ପରିକ୍ରମା କରିଥାନ୍ତି । ଦେବଦମ୍ପତିଙ୍କୁ ସ୍ବାଗତ କରି ଶ୍ରୀକ୍ଷେତ୍ରବାସୀ ପନ୍ତି ଭୋଗ କରିଥାନ୍ତି ।
ଅପରାହ୍ନରେ ଠାକୁର ପାଲିଙ୍କିକୁ ବିଜେ ହୋଇ ରାତିରେ ଶ୍ରୀମନ୍ଦିରକୁ ବାହୁଡ଼ା ବିଜେ କରିଥାନ୍ତି । ଏଥିସହିତ ଶ୍ରୀମନ୍ଦିରରେ ଚମ୍ପକ ଦ୍ଵାଦଶୀ ନୀତି ଅନୁଷ୍ଠିତ ହେବ । ସକାଳ ଧୂପ, ଭୋଗମଣ୍ଡପ ଓ ମଇଲମ ସରିବାପରେ ଠାକୁରଙ୍କ ଆଲଟ ଲାଗି ବଢିବ । ତିନି ବାଡ଼ରେ ଯାତ୍ରାଙ୍ଗୀ ମହାସ୍ନାନ ହୋଇ ଠାକୁରଙ୍କୁ ନୂଆ ଲୁଗା ଲାଗି କରାଯିବ ।