ପୁରୀ: ଆସନ୍ତା ମାସ 7 ତାରିଖରେ ପବିତ୍ର ଅକ୍ଷୟ ତୃତୀୟା । ଏହି ଦିନ ଶ୍ରୀକ୍ଷେତ୍ର ପୁରୀରେ ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ ଆରମ୍ଭ ହେବ। ତେବେ ଏଥି ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ରଥ ଖଳା ପ୍ରସ୍ତୁତି କାର୍ଯ୍ୟ ଆରମ୍ଭ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଶ୍ରୀମନ୍ଦିର କାର୍ଯ୍ୟଳୟ ଆଗରେ ତଥା ଗଜପତି ମହାରାଜଙ୍କ ଶ୍ରୀନଅର ସାମ୍ନାରେ ଏହି ରଥ ଖଳା ପ୍ରସ୍ତୁତି ଆରମ୍ଭ ହୋଇଛି । ଲୁହାଖମ୍ବ ପୋତା ଯାଇ ବାଉଁଶ ବନ୍ଧା ହୋଇ ଛାମୁଣ୍ଡିଆ ପ୍ରସ୍ତୁତ କରାଯାଉଛି । ଏହି ଖଳାରେ ଅକ୍ଷୟ ତୃତୀୟା ଦିନ ତିନି ଗୋଟି ଧଉରା କାଠ ରଖାଯାଇ ପାରମ୍ପରିକ ପୂଜାର୍ଚ୍ଚନା ହେବା ପରେ ରଥ ନିର୍ମାଣ କାର୍ଯ୍ୟ ଆରମ୍ଭ ହେବ । ମହାରଣା ସେବକ ମାନେ ରଥ ନିର୍ମାଣ କାର୍ଯ୍ୟରେ ରହିବେ । ଭୋଇ ସେବକ ମାନେ ମଧ୍ୟ ସହଯୋଗ କରିବେ ।