ପୁରୀ: ଚଳଚଞ୍ଚଳ ରଥ ଖଳା । ଆଜି ମହାପ୍ରଭୁଙ୍କ ଦେବସ୍ନାନ ପୂର୍ଣ୍ଣିମା । 108 ଗରା ସୁବାସିତ ଜଳରେ ସ୍ନାନ କରିବା ପରେ ଏବେ ଜ୍ୱରରେ ପୀଡିତ ହେବେ ମହାବାହୁ । ଜ୍ୱରରୁ ଭଲ ହେବା ପରେ ଭାଇ ଭଉଣୀଙ୍କୁ ସାଙ୍ଗରେ ଧରି ମାଉସୀ ମାଆ ଘରକୁ ଯିବେ କାଳିଆ ଠାକୁର । ତେବେ ଠାକୁରଙ୍କ ରଥ କାମ ଏବେ ଜୋରସୋରରେ ଆଗେଇ ଚାଲିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ପୁରୀ
ତିନି ରଥରେ ଲାଗିଛି ଚାରି ନାହାକ । ଘୋଷଯାତ୍ରା ପାଇଁ ବିଧି ଅନୁସାରେ ଦେବସ୍ନାନ ପୂର୍ଣ୍ଣିମା ଦିନ ତିନି ରଥରେ ଚାରି ନାହାକା ଲଗାଯାଇଛି । ସେହିପରି ଗୟଳ କାର୍ଯ୍ୟ ଚାଲିଛି । ଏହା ପରେ ପୋଟଳ , ଭୂଇଁ , ପାରା ଭାଡ଼ି ଆଦି ପ୍ରମୁଖ ତିନି ରଥର କାର୍ଯ୍ୟ ଆରମ୍ଭ ହେବ । ସେ ନେଇ ବିଶ୍ୱ କର୍ମା ମହାରଣା ମାନେ ପ୍ରସ୍ତୁତ ହୋଇ ଗଲେଣି ।