ବ୍ରହ୍ମଗିରି : 2ଟି ବାଇକକୁ ପିଟିଲା ବସ, 3 ଗୁରୁତର। ପୁରୀ ସାତପଡ଼ା ଜାତୀୟ ରାଜ ପଥରେ ଏକ ଭୟାନକ ଦୁର୍ଘଟଣା ହୋଇଛି। ଯାତ୍ରୀବାହୀ ବସ ଧକ୍କାରେ 3 ଜଣ ଗୁରୁତର ଆହତ ହୋଇଥିବା ବେଳେ ଜଣଙ୍କର ଗୋଡ ଶରୀରରୁ ଅଲଗା ହୋଇଯାଇଛି ।
ଭିଡିଓ ସୌଜନ୍ୟ : ପ୍ରତିନିଧି,ବ୍ରହ୍ମଗିରି
ବ୍ରହ୍ମଗିରି ଠାରୁ ପୁରୀ ଅଭିମୁଖେ ଦେବୀ ନାମକ ଯାତ୍ରୀଵାହି ବସ ଯାଉଥିବା ବେଳେ କେରାଣ୍ଡିଆ ଛକ ଠାରେ ଭାରସାମ୍ୟ ହରାଇ 2ଟି ମୋଟର ସାଇକେଲକୁ ଧକ୍କା ଦେଇଥିଲା। ଘଟଣା ସ୍ଥଳରେ ଜଣଙ୍କର ଗୋଟାଏ ଗୋଡ଼ ଶରୀର ଠାରୁ ସମ୍ପୂର୍ଣ ଅଲଗା ହୋଇଯାଇଛି ଓ ଅନ୍ୟ 2ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା କିନ୍ତୁ ସେମାନଙ୍କ ଅବସ୍ଥା ଗୁରୁତର ହେବାରୁ ଭୁବନେଶ୍ବର ଘରୋଇ ହସ୍ପିଟାଲଙ୍କୁ ସ୍ଥାନାନ୍ତର କରାଯାଇଛି।