ପୁରୀ: ବ୍ରାଉନସୁଗାର ବ୍ୟବସାୟରେ ଲଗାମ ଲଗାଇବା ନେଇ ପୁରୀ ଅବକାରୀ ବିଭାଗ ବିଭିନ୍ନ ଅଞ୍ଚଳରେ ଚଢ଼ାଉ ଜାରି ରଖିଛି । ଏହି କ୍ରମରେ ବୁଧବାର ପୁରୀ ସାକ୍ଷୀଗୋପାଳ ବଜ଼ାର ନିକଟରେ ଚଢ଼ାଉ କରାଯାଇ 30 ଗ୍ରାମ ବ୍ରାଉନ ସୁଗାର ଜବତ କରିବା ସହ ଗଗନ ସାହୁ ନାମକ ଜଣେ ଯୁବକକୁ ଗିରଫ କରିଛି ଅବକାରୀ ବିଭାଗ।
ପୁରୀରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ ବିଭାଗର ସୂଚନା ଅନୁଯାୟୀ ଅଭିଯୁକ୍ତ ଗଗନ ବାଲେଶ୍ଵର ବସ୍ତା ଅଞ୍ଚଳର ଜଣେ ବ୍ରାଉନ ସୁଗାର ବ୍ୟବସାୟୀ ଠାରୁ ଏହି ନିଶାଦ୍ରବ୍ୟ କିଣି ଟ୍ରେନ ଯୋଗେ ସାକ୍ଷୀଗୋପାଳ ଆସିଥିଲା। ତେବେ ବିଶ୍ବସ୍ତ ସୂତ୍ରରୁ ଖବର ପାଇ ଅବକାରୀ ବିଭାଗ ଚଢ଼ାଉ କରି ବ୍ରାଉନ ସୁଗାର ଜବତ ସହ ଅଭିଯୁକ୍ତ ଗଗନ ସାହୁଙ୍କୁ ଗିରଫ କରାଯାଇଛି। ଜବତ ବ୍ରାଉନସୁଗାରର ମୂଲ୍ୟ ଲକ୍ଷାଧିକ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଅନୁମାନ କରାଯାଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
