ବ୍ରହ୍ମଗିରି: ପୂର୍ବ ଶତ୍ରୁତାକୁ କେନ୍ଦ୍ର କରି ଦଣ୍ଡୁଆସିପଡ଼ା ଗାଁରେ ବୋମାମାଡ଼ ଘଟଣା । ପୁରୀ ଜିଲ୍ଲା ବ୍ରହ୍ମଗିରି ଥାନା ଅନ୍ତର୍ଗତ ଦଣ୍ଡୁଆସିପଡ଼ା ଗାଁରେ ପୂର୍ବ ଶତ୍ରୁତାକୁ ନେଇ ଗତକାଲି ଘନ ଘନ ବୋମା ମାଡ଼ ସହ ୧୦ ରାଉଣ୍ଡ ଗୁଳି ମାଡ଼ ହୋଇଥିଲା । ଯେଉଁଥିରେ ଦୁଇ ଜଣ ଯୁବକ ଗୁରୁତର ହୋଇଥିଲେ ।
ଦଣ୍ଡୁଆସିପଡ଼ା ଗାଁରେ ଘନଘନ ବୋମା ମାଡ଼ ଘଟଣା, ପୁରୁଷ ଓ ମହିଳାଶୂନ୍ୟ ହେଲା ଗାଁ
ଏହି ଘଟଣା ନେଇ ଆଜି ସମୂର୍ଣ୍ଣ ରୂପେ ପୁରୁଷ ଓ ମହିଳା ଶୂନ୍ୟ ହୋଇଯାଇଛି। ଗିରଫ ହେବା ଭୟରେ ସମସ୍ତ ଗାଁ ଛାଡ଼ି ପଳାଇଯାଇଛନ୍ତି। ଦଣ୍ଡୁଆସିପଡ଼ା ଗାଁରେ ବ୍ରହ୍ମଗିରି ଆଇଆଇସିଙ୍କ ସହ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି । ଗତ ଫେବୃଆରୀ ମାସ ନିର୍ବାଚନ ପୂର୍ବରୁ ରାଜନୈତିକ ଶତ୍ରୁତାକୁ ନେଇ ଗାଁରେ ବିବାଦ ଦେଖାଦେଇଥିଲା। ଏବଂ ଫେବୃଆରୀ ୧୦ ତାରିଖରେ ଗାଁରେ ଉତ୍ତେଜନା ଘଟି ବୋମା ମାଡ଼ ସହ ଟେକା ପଥର ମାଡ଼ ହୋଇ ୬ଜଣ ଗୁରୁତର ଆହତ ହୋଇଥିଲେ ।