ଗୋପରେ ଗଣଶିକ୍ଷା ମନ୍ତ୍ରୀଙ୍କୁ କଳା ପତାକା ପ୍ରଦର୍ଶନ

ଗଣଶିକ୍ଷା ମନ୍ତ୍ରୀ ପୁରୀ ଗୋପ ସରକାରୀ ମେଡିକାଲର ଚକ୍ଷୁ ବିଭାଗକୁ ଉଦଘାଟନ କରିବାକୁ ଆସୁଥିବା ବେଳେ ବିଜେପି ଯୁବ ମୋର୍ଚ୍ଚା ପକ୍ଷରୁ କଳା ପତାକା ପ୍ରଦର୍ଶନ କରାଯାଇଥିଲା । ଅଧିକ ପଢନ୍ତୁ

ଗୋପ/ପୁରୀ:ସାରା ରାଜ୍ୟରେ ମନ୍ତ୍ରୀ, ବିଧାୟକଙ୍କୁ ଜାରି ରହିଛି ଭାରତୀୟ ଜନତା ପାର୍ଟି (ବିଜେପି)ର ବିରୋଧ ପ୍ରଦର୍ଶନ । ମମିତା ମେହେର ହତ୍ୟାକାଣ୍ଡ ପ୍ରସଙ୍ଗରେ ଦଳ ପକ୍ଷରୁ ଆନ୍ଦୋଳନକୁ ବ୍ୟାପକ କରିଛି ଦଳ । ଫଳରେ ସରକାରୀ ଦଳର ମନ୍ତ୍ରୀ ବିଧାୟକ ଯେଉଁଠିକି ଗଲେ ମଧ୍ୟ କଡା ବିରୋଧ କରୁଛି ବିଜେପି ।

ଆଜି (ସୋମବାର) ଗଣଶିକ୍ଷା (Mass Education Minister) ମନ୍ତ୍ରୀ ସମୀର ଦାସ ପୁରୀ ଗୋପ ସରକାରୀ ମେଡିକାଲର ଚକ୍ଷୁ ବିଭାଗକୁ ଉଦଘାଟନ କରିବାକୁ ଆସୁଥିବା ବେଳେ ବିଜେପି ଯୁବ ମୋର୍ଚ୍ଚା ପକ୍ଷରୁ ବିରୋଧ ପ୍ରଦର୍ଶନ କରାଯାଇଥିଲା ।

ଗୋପ ବଜାରରେ ବିଜେପି ଯୁବ ମୋର୍ଚ୍ଚାର ନେତା ମାନେ ମନ୍ତ୍ରୀଙ୍କୁ କଳା ପତାକା ପ୍ରଦର୍ଶନ କରିବା ସହ ନାରାବାଜୀ ଦେଇଥିଲେ । ଏହାହସହ ମୁଖ୍ୟମନ୍ତ୍ରୀ ଓ ଗୃହ ରାଷ୍ଟ୍ରମନ୍ତ୍ରୀଙ୍କ ବିରୋଧରେ ସ୍ଲୋଗାମ ମାନ ଦେଇଥିଲେ । ପରେ ପୋଲିସ ଘଟଣା ସ୍ଥଳରେ ପହଞ୍ଚି ବିଜେପି କର୍ମୀଙ୍କୁ ନିଜ ନିୟନ୍ତ୍ରଣକୁ ନେଇଥିଲା ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ