ଶାଗୁଆନ ଗଛ ଚୋରଙ୍କ ଗିରଫ ଦାବି କଲା ବିଜେପି

ଶାଗୁଆନ ଗଛ ଚୋରକୁ ଧରିବା ପାଇଁ ଦାବି କରିଛି ପୁରୀ ଜିଲ୍ଲା ବିଜେପି । ଅଧିକ ପଢନ୍ତୁ...

ପୁରୀ:ଶାଗୁଆନ ଗଛ ଚୋରକୁ ଗିରଫ ଦାବି । ବ୍ଲକ ଚେୟାରମ୍ୟାନ ଓ ତାଙ୍କ ସ୍ବାମୀ ବ୍ଲକ ପରିସରରୁ ଗଛ ଚୋରି କରିଥିବା ଅଭିଯୋଗ ହୋଇଛି । ଜନପ୍ରତିନିଧି ହୋଇ ଏଭଳି ଜଘନ୍ୟ ଅପରାଧ କରିଥିବାରୁ ତୁରନ୍ତ ଏମାନଙ୍କୁ ଗିରଫ କରିବାପାଇଁ ଜିଲ୍ଲା ବିଜେପି ଦାବି କରିଛି ।

ଗତ 2020 ନଭେମ୍ବର 11ତାରିଖ ରାତିରେ ବ୍ଲକ ଚେୟାରମ୍ୟାନ ଓ ତାଙ୍କ ସ୍ବାମୀ ସତ୍ୟବାଦୀ ବ୍ଳକ ପରିସରରେ ଥିବା ପୁରାତନ ଶାଗୁଆନ ଗଛକୁ କାଟି ଚୋରି କରି ନେଇଥିବା ଅଭିଯୋଗ ହୋଇଛି । ଏହା ପରେ ଅବଶିଷ୍ଟ ଗଛକୁ ଶଗଡରେ ବୋହି ନେଇଥିବା ଅଭିଯୋଗ କରିଛି ଜିଲ୍ଲା ବିଜେପି ।

ଜନପ୍ରତିନିଧି ହୋଇ ଏଭଳି ଜଘନ୍ୟ ଅପରାଧ କରିଥିବାରୁ ତୁରନ୍ତ ଏମାନଙ୍କୁ ଗିରଫ କରିବାପାଇଁ ବିଜେପି ଦାବି କରିଛି । ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ସେମାନଙ୍କ ବିରୁଦ୍ଧରେ ୩୭୯ /୩୪ଦଫାରେ ମାମଲା ରୁଜ୍ଜୁ ହୋଇଛି ।

ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ