ପୁରୀ: ପିପିଲି ଉପନିର୍ବାଚନ ନେଇ ବିଜେଡି ଜୋରଦାର ପ୍ରଚାର ପ୍ରସାର ଆରମ୍ଭ କରିଥିବାବେଳେ ନିର୍ବାଚନ ପାଇଁ ଏକ ସଂକଳ୍ପ ସମାବେଶ ଅନୁଷ୍ଠିତ କରିଛି । ଜସୁଆପୁର ପଞ୍ଚାୟତରେ ଅନୁଷ୍ଠିତ ଏହି ସମାବେଶରେ ଶହ ଶହ ବିଜେଡି କର୍ମୀ ସାମିଲ ହୋଇଥିଲେ ।
ପିପିଲିରେ ବିଜେଡିର ସଂକଳ୍ପ ସମାବେଶ
ସଭାରେ ବିଜେଡିକୁ ପିପିଲି ନିର୍ବାଚନରେ ଜୟଯୁକ୍ତ କରିବା ନେଇ କର୍ମୀଙ୍କୁ ଶପଥ ପାଠ କରାଯାଇଥିଲା । ବରିଷ୍ଠ ବିଜେଡି ନେତା ଅତନୁ ସବ୍ୟସାଚୀ ନାୟକ ଏହି ଶପଥ ପାଠ କରାଇଥିଲେ । ଉକ୍ତ ସଭାରେ ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ଉପସ୍ଥିତ ରହି କର୍ମୀଙ୍କୁ ଉତ୍ସାହିତ କରିଥିଲେ । ନବୀନ ସରକାରଙ୍କ ବିକାଶମୂଳକ କାର୍ଯ୍ୟ ଏବଂ ତାଙ୍କ ବାପାଙ୍କ ଅଧୁରା କାର୍ଯ୍ୟକୁ ପୂରଣ କରିବେ ବୋଲି ପ୍ରାର୍ଥୀ ରୁଦ୍ର ମହାରଥୀ କହିଥିଲେ ।