ପୁରୀ: ପିପିଲି NAC ରେ ବିଜେଡିର ବିପୁଳ ବିଜୟ । ଅଧ୍ୟକ୍ଷ ପଦ ସମେତ 16 ଟି ୱାର୍ଡରୁ 13 ଟି ୱାର୍ଡ ହାତେଇଲା ବିଜେଡି । ପୁରୀ ଜିଲ୍ଲାର ପିପିଲି NAC ରେ ବିଜେଡି ଅଧ୍ୟକ୍ଷ ପ୍ରାର୍ଥୀ ଶେଖ ବାବୁ 2104 ଭୋଟ ବ୍ୟବଧାନରେ ବିଜୟୀ ହୋଇଛନ୍ତି । ପିପିଲି NAC ର 16 ଟି ୱାର୍ଡ ନିର୍ବାଚନ ଫଳାଫଳ ପ୍ରକାଶ ପରେ ବିଜେଡି 13ଟି ୱାର୍ଡ, ବିଜେପି 2ଟି ୱାର୍ଡ ଏବଂ ସ୍ୱାଧୀନ ଗୋଟିଏ ୱାର୍ଡରେ ବିଜୟୀ ହୋଇଛନ୍ତି ।
ବିଜେଡି ଅଧ୍ୟକ୍ଷ ପ୍ରାର୍ଥୀ ଶେଖ ବାବୁ ତାଙ୍କର ନିକଟତମ ପ୍ରତିଦ୍ବନ୍ଦୀ ତଥା ବିଜେପି ଅଧ୍ୟକ୍ଷ ପ୍ରାର୍ଥୀ ସୁକାନ୍ତ ଭଟ୍ଟଙ୍କ ଠାରୁ 2104 ଭୋଟ ବ୍ୟବଧାନରେ ବିଜୟୀ ହୋଇଛନ୍ତି । ପିପିଲି NAC ନିର୍ବାଚନରେ ଅଧ୍ୟକ୍ଷ ପ୍ରାର୍ଥୀ ଭାବେ ବିଜେପିରୁ ସୁକାନ୍ତ ଭଟ୍ଟ, ବିଜେଡିରୁ ଶେଖ ବାବୁ ଏବଂ କଂଗ୍ରେସରୁ ଗୁଣନିଧି ପ୍ରଧାନ ପ୍ରତିଦ୍ବନ୍ଦୀତା କରୁ ଥିବାବେଳେ ବିଜେଡି ପ୍ରାର୍ଥୀ ଶେଖ ବାବୁ ପିପିଲି NAC ବାସୀଙ୍କ ଆସ୍ଥା ଭାଜନ ହୋଇପାରିଛନ୍ତି ।
ସେପଟେ ବିଜୟର ଶ୍ରେୟ ପିପିଲିବାସୀଙ୍କୁ ଦେଇଛନ୍ତି ନବନିର୍ବାଚିତ ଚେୟାରମ୍ୟାନ ଓ ପିପିଲି ବିଧାୟକ ରୁଦ୍ର ପ୍ରତାପ ମହାରଥୀ । ଆଗାମୀ ଦିନରେ ପିପିଲି ଅଞ୍ଚଳରେ ବିକାଶ ମୁଖ୍ୟ ଲକ୍ଷ୍ୟ ରହିବ ବୋଲି ନବ ନିର୍ବାଚିତ ଚେୟାରମ୍ୟାନ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
