ବ୍ରହ୍ମଗିରି:ବ୍ରହ୍ମଗିରି ନିର୍ବାଚନ ମଣ୍ଡଳୀରେ ବିଜେଡ଼ିରେ ଫାଟ ! ଦଳର ପୂର୍ବତନ ମନ୍ତ୍ରୀ ତଥା ଦୁଇ ଦୁଇ ଥର ବିଧାୟକ ହୋଇ ନିର୍ବାଚନ ମଣ୍ଡଳୀରେ ନିଜର ପତିଆରା ଜାହିର କରି ଆସୁଥିବା ସଂଜୟ ଦାସବର୍ମାଙ୍କୁ ଟାର୍ଗେଟ କରାଯାଇଛି । ବିଗତ ଦିନରେ ସଂଜୟଙ୍କ ଆନୁଗତ୍ୟ ଥିବା କୈଳାସ ଚନ୍ଦ୍ର ପରିଡା କଣ୍ଟା ସାଜି ନିର୍ବାଚନ ମଣ୍ଡଳୀରେ ପଦଯାତ୍ରା କରିଥିବା ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ: ମଇଁଷି କ୍ଷୀର ମହୌଷଧି: କ୍ୟାନସରର ରାମବାଣ ସାଜିବ ଚିଲିକା ମଇଁଷି କ୍ଷୀର !
ସଂଜୟଙ୍କ ବିରୋଧୀ ଗୋଷ୍ଠି ବ୍ରହ୍ମଗିରି ବିକାଶ ମଞ୍ଚର ଆବାହକ ତଥା ସଂଜୟଙ୍କ ଆନୁଗତ୍ୟ କୈଳାସ ପରିଡାଙ୍କ ଅଧ୍ୟକ୍ଷତାରେ ପଣସପଦା ଠାରୁ ଦହିଖିଆ ସେବକପୁର ଗ୍ରାମ ପଯ୍ୟନ୍ତ ବିଜେଡ଼ି ପଦଯାତ୍ରା ଆୟୋଜନ କରାଯାଇଥିଲା । ଏହି ପଦ ଯାତ୍ରାରେ ଶତାଧିକ କର୍ମୀ ହାତରେ ବିଜେଡ଼ି ପତକା ଧରି ନବୀନ ପଟନାୟକଙ୍କ ଜୟ ଗାନ କରିବା ସହ କୈଳାସ ପରିଡାଙ୍କ ନାରା ଦେଇଥିଲେ । ପଦଯାତ୍ରା ଆରମ୍ଭ ହେବାର କିଛି ସମୟ ପରେ ସଂଜୟ ଦାସବର୍ମାଙ୍କ କିଛି ସମର୍ଥକ ଆସି ପଦ ଯାତ୍ରାକୁ ବନ୍ଦ କରିବା ସହ ସଂଜୟ ଦାସବର୍ମା ଅନୁପସ୍ଥିତିରେ ପଦଯାତ୍ରା ନ କରିବା ପାଇଁ ବାରଣ କରିଥିଲେ । ଫଳରେ କିଛି ସମୟ ପାଇଁ ସେଠାରେ ଉତ୍ତେଜନା ଦେଖିବାକୁ ମିଳିଛି ।