ଶ୍ରୀମନ୍ଦିରରେ ବାମନ ଜନ୍ମ ନୀତି

ଶ୍ରୀମନ୍ଦିରର ଆଜି (ମଙ୍ଗଳବାର) ଅନୁଷ୍ଠିତ ହେଉଛି ବାମନ ଜନ୍ମ ନୀତି । ପ୍ରତି ବର୍ଷ ଭାଦ୍ରବ ମାସ ଦ୍ବାଦଶୀ ତିଥିରେ ମହାପ୍ରଭୁଙ୍କ ଏହି ନୀତି ପାଳନ କରାଯାଏ। ଏହି ନୀତି ପାଇଁ ମଙ୍ଗଳବାର 4 ଘଣ୍ଟା ଯାଏଁ ସାଧାରଣ ଦର୍ଶନ ବନ୍ଦ ରଖାଯାଇଛି।

ପୁରୀ: ମଙ୍ଗଳବାର ହେଉଛି ଭାଦ୍ରବ ଦ୍ଵାଦଶୀ ବା ବାମନ ଦ୍ବାଦଶୀ । ଏହି ତିଥିରେ ଶ୍ରୀମନ୍ଦିରରେ ବାମନ ଜନ୍ମୋତ୍ସଵ ଓ ଗୁରୁଡ଼ ପାର୍ଶ୍ଵ ପରିବର୍ତ୍ତନ ନୀତି ପାଳନ ହୋଇଥାଏ। ଭାଦ୍ରବ ମାସ ଶୁକ୍ଳ ପକ୍ଷ ଦ୍ଵାଦଶୀ ତିଥି ମଧ୍ୟାହ୍ନରେ ପ୍ରଭୁ ନାରାୟଣଙ୍କୁ ବାମନ ଭାବେ ଅଭିହିତ କରାଯାଇ ଶ୍ରୀମନ୍ଦିରରେ ସ୍ବତନ୍ତ୍ର ଜନ୍ମ ନୀତି ପାଳନ ହୋଇଥାଏ।

ଏଥି ସହିତ ଗରୁଡ଼ ପାର୍ଶ୍ଵ ପରିବର୍ତ୍ତନ ନୀତି ମଧ୍ୟ ଅନୁଷ୍ଠିତ ହୋଇଥାଏ। ଏଥିପାଇଁ ସ୍ବତନ୍ତ୍ର ନୀତିକାନ୍ତି ଯୋଗୁଁ ମହାପ୍ରଭୁଙ୍କ ଦର୍ଶନ ବନ୍ଦ ରହିଛି। ମଧ୍ୟାହ୍ନ ଧୂପ ପରେ ଅପରାହ୍ନ 4ଟାରୁ ରାତି 8 ଯାଏଁ 4 ଘଣ୍ଟା ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ଜଣାଇ ଦିଆଯାଇଛି।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ