ପୁରୀ: ଗିରଫ ହେଲେ ବଳଙ୍ଗା ଥାନା ASI । ଦୁଷ୍କର୍ମ ଅଭିଯୋଗରେ ପୁରୀ ବଳଙ୍ଗା ଥାନା ASI ଚିତରଞ୍ଜନ ଦାଶଙ୍କୁ ଆଜି(ଶୁକ୍ରବାର) ପୁରୀ ପୋଲିସ ଗିରଫ କରିଛି । ଜଣେ ମହିଳାଙ୍କୁ ତାଙ୍କ କ୍ବାଟର୍ସରେ ଦୁଷ୍କର୍ମ କରିଥିବା ଅଭିଯୋଗ ଘଟଣାକୁ ନେଇ ପୋଲିସ ଗିରଫ କରିଛି ।
ଡାକ୍ତରୀ ମାଇନା ଓ ବିଭିନ୍ନ ଦିଗକୁ ପୋଲିସ ତଦନ୍ତ କରି ପ୍ରମାଣ ମିଳିବା ପରେ ଅଭିଯୁକ୍ତ ASI ଚିତରଞ୍ଜନ ଦାଶକୁ ଗିରଫ କରାଯାଇ ଥିବା ପୁରୀ ଏସପି ସୂଚନା ଦେଇଛନ୍ତି । ଏନେଇ ବଳଙ୍ଗା ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି। ପିପିଲି SDPO ଏହି ଘଟଣାର ତଦନ୍ତ କରୁଥିବା ବେଳେ ପୁରୀ ଏସପି ଉମାଶଙ୍କର ଦାସ ଏହି ଘଟଣା ଉପରେ ତୀଷ୍ମ ନଜର ରଖିଛନ୍ତି ।
ଗିରଫ ହେଲେ ବଳଙ୍ଗା ଥାନା ASI
ଗତକାଲି(ଗୁରୁବାର) ଅଭିଯୋଗ ହେବା ପରେ ଅଭିଯୁକ୍ତକୁ ଅଟକ ରଖାଯାଇଥିଲା। ଅଭିଯୋଗ ଅନୁଯାୟୀ, ପୀଡିତା ଜଣକୁ ଏକ ଅଭିଯୋଗରେ ସାହାଯ୍ୟ କରିବେ ବୋଲି କହି ପୁରୀ ବଳଙ୍ଗା ଥାନା ଏଏସଆଇ ଚିତ୍ତରଞ୍ଜନ ଦାଶ ତାଙ୍କ କ୍ବାଟର୍ସକୁ ଡାକି ନେଇ ସେଠାରେ ଉକ୍ତ ମହିଳାଙ୍କୁ ଦୁଷ୍କର୍ମ କରିଥିଲେ।