ପୁରୀ: ପ୍ରତି ରବିବାର ଭଳି ଚଳିତ ରବିବାର ମଧ୍ୟ ଉତ୍ସବ ମୁଖରିତ ବଡଦାଣ୍ଡ । ସକାଳ 6ଟାରୁ 8ଟା ପର୍ଯ୍ୟନ୍ତ ଜମିଥିଲା ନାଚଗୀତର ମାହୋଲ । ବେଶ୍ ଆଡମ୍ବରର ସହ ଅନୁଷ୍ଠିତ ହୋଇଥିଲା ବଡଦାଣ୍ଡ ମହୋତ୍ସବ । ଏଥିରେ ଜଗନ୍ନାଥ ସଂସ୍କୃତି ଓ ପରମ୍ପରା ତଥା ଓଡିଶାର କଳା ସଂସ୍କୃତି ସହିତ ଜଡିତ ନୃତ୍ୟ, ଗୀତ, ଚିତ୍ରାଙ୍କନ, କୀର୍ତ୍ତନ, ଝୋଟି, କଣ୍ଢେଇ ନାଚ ଓ ମୂରୁଜ ଆଦି ବିଭିନ୍ନ କଳା ପ୍ରଦର୍ଶନ ହୋଇଥିଲା ।
କେବଳ ସେତିକି ନୁହେଁ ଏହି ବଡଦାଣ୍ଡ ଉତ୍ସବରେ ଅନେକ କଳାକାର ବେଶ୍ ଉତ୍ସାହର ସହ ସାମିଲ ହୋଇ ନିଜ କଳା ପ୍ରଦର୍ଶନ କରିଥିଲେ । ଫଳରେ ଆଧ୍ୟାତ୍ମିକ ହୋଇ ଉଠିଥିଲା ଶ୍ରୀକ୍ଷେତ୍ରର ପରିବେଶ । ଭକ୍ତମାନେ ମହାପ୍ରଭୁଙ୍କ ଦର୍ଶନ ପାଇବା ସହ ଏଭଳି ନିଆରା କାର୍ଯ୍ୟକ୍ରମ ଦେଖି ବେଶ ଆନନ୍ଦିତ ମଧ୍ୟ ହୋଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ