ପୁରୀ:ସୋସିଆଲ ମିଡ଼ିଆରେ ଏବେ ସର୍ଟ ଭିଡିଓର ବଢୁଛି ଚାହିଦା। ଆଉ ଏହି ସର୍ଟ ଭିଡଓ ହିଁ ବିପଦଗାମୀ କରିଛି ଯୁବପିଢୀଙ୍କୁ। ସୋସିଆଲ ମିଡ଼ିଆର ବହୁଳ ବ୍ୟବହାର ସହ ନିଜକୁ ରାତାରାତି ଫେମସ କରିବା ଚକରରେ ମାତିଛନ୍ତି ଯୁବପିଢୀ। ଆଉ ଏହି ଫେମସ କରିବାର ନିଶା ସେମାନଙ୍କୁ ବିପଥଗାମୀ କରିଛି। ଯାହାର ଝଲକ ଦେଖିବାକୁ ମିଳିଛି ପୁରୀ ସହରରେ।
ସର୍ଟ ଭିଡ଼ିଓରେ ପୁଣି ଭାଇଗିରି, ଭିଡିଓ ଭାଇରାଲ
ହାତରେ ମାରଣାସ୍ତ୍ର ଧରି ରାଜରାସ୍ତାରେ ଖୁଲମଖୁଲା ଚାଲିଛି ଦାଦାଗିରି। ଆଉ ଏମିତି ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ଚିନ୍ତାରେ ସହରବାସୀ। କିଭଳି ଏହି ପଥଭ୍ରଷ୍ଟ ଯୁବକମାନଙ୍କୁ ଠିକ ରାସ୍ତାକୁ ଅଣାଯାଇପାରିବ, ସେନେଇ ଅନ୍ଧାରରେ ବାଡି ବୁଲାଉଛି ପୋଲିସ। ଫିଲ୍ମ ଷ୍ଟାଇଲରେ ବିଚ୍ ରାସ୍ତାରେ ହାତରେ ହକି ଷ୍ଟିକ ଧରି ନିଜର ଭାଇଗିରି ପଣିଆ ପ୍ରଦର୍ଶନ କରୁଛନ୍ତି ଯୁବକମାନେ।