ପୁରୀ: ଶ୍ରୀକ୍ଷେତ୍ରରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । ନିକଟରେ ଓଡିଶା ଗସ୍ତରେ ଆସି ନିର୍ବାଚନ ପ୍ରଚାର କରି ଯାଇଥିବା ଅମିତ ପୁଣି ରାଜ୍ୟ ଗସ୍ତରେ ଆସିଛନ୍ତି । ଏଥର ପୁରୀରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ଅମିତ ।
ଏକ କାରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ସହ ପୁରୀରେ ପହଞ୍ଚିଥିଲେ ଅମିତ । ପହଞ୍ଚିବା ପରେ ପ୍ରଥମେ ମହାପ୍ରୁଭଙ୍କ ଦର୍ଶନ କରି ଆଶୀର୍ବାଦ ନେଇଥିଲେ । ଏହା ପୂର୍ବରୁ ମନ୍ଦିର ବାହାରେ ସେ ଆଳତୀ କରିଥିଲେ । ତେବେ ଶ୍ରୀଜୀଉଙ୍କ ଦର୍ଶନ ପରେ ଆରମ୍ଭ ହୋଇଥିଲା ବିଜେପିର ବିଶାଳ ଶୋ । ଦଳର ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ଷ୍ଟାର ପ୍ରଚାରକ ଭାବେ ପ୍ରଚାରର ମଙ୍ଗ ଧରିଥିଲେ ରାଷ୍ଟ୍ରୀୟ ଅଧ୍ୟକ୍ଷ । ଆଉ ବିଜେପି ପ୍ରଦର୍ଶନ କରିଥିଲା ନିଜ ଶକ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ