ପୁରୀ: ପୁଣି ଶ୍ରୀମନ୍ଦିର ଭିତର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ଏଥର ଜଣେ ଯୁବକ ଆନନ୍ଦ ବଜ଼ାରରେ ଅବଢା ବିକ୍ରି ସମୟର ଫଟୋ ନିଜ ମୋବାଇଲରେ ଉଠାଇ ଫେସବୁକ୍ରେ ଅପଲୋଡ଼ କରିଛନ୍ତି । ଫଟୋ ଭାଇରାଲ କରିଥିବା ଯୁବକ ଜଣକ ହେଉଛନ୍ତି ପିଣ୍ଟୁ ମହାପାତ୍ର ।
ଶ୍ରୀମନ୍ଦିର 4 ଦ୍ବାରରେ କଡା ନିରାପତ୍ତା ବ୍ୟବସ୍ଥା ଥିବା ସତ୍ତ୍ବେ ମୋବାଇଲ ଶ୍ରୀମନ୍ଦିର ଭିତରକୁ ଯିବା ଚର୍ଚ୍ଚାର ବିଷୟ ହୋଇଛି । ପୂର୍ବରୁ ଜଣେ ଯୁବତୀ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶ୍ରୀମନ୍ଦିର ଭିତର ଫଟୋ ଭାଇରାଲ କରିଥିଲେ । ଉକ୍ତ ଯୁବତୀଙ୍କୁ ପୋଲିସ ପଚରାଉଚରା କରି ବ୍ୟକ୍ତିଗତ ମୁଚାଲିକାରେ ଛାଡିଥିଲା । ଉକ୍ତ ଘଟଣା ପରେ ପୁରୀ ଏସପି ଉମାଶଙ୍କର ଦାସ ଶ୍ରୀମନ୍ଦିରରେ ମୁତୟନ ହୋଇଥିବା ପୋଲିସକୁ ଚେକିଂ କଡାକଡି କରିବାକୁ ନିର୍ଦ୍ଦେଶ ଦେଇଥିଲେ ।