ନୀଳାଚଳ ଅବଢା ପାଇ ଆନନ୍ଦିତ ଭକ୍ତ

ଲୀଳାମୟ ନୀଳକନ୍ଦର ବାହୁଡ଼ିବା ପରେ ଚଳଚଞ୍ଚଳ ଶ୍ରୀକ୍ଷେତ୍ର । ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀମନ୍ଦିରରେ ଲାଗିରହିଛି ଭିଡ଼ । ସେପଟେ ଆଜିଠାରୁ ଆରମ୍ଭ ହୋଇଛି ମହାପ୍ରସାଦ ।

ପୁରୀ: ରଥଯାତ୍ରା ସାରି ରତ୍ନ ସିଂହାସନରେ ବିରାଜିତ ଚତୁର୍ଦ୍ଧାମୂର୍ତ୍ତି । ଖାଲି ପଡ଼ିଥିବା ଶ୍ରୀମନ୍ଦିର ପୁଣି ଥରେ ଚଳଚଞ୍ଚଳ । ଆଜି(ମଙ୍ଗଳବାର) ସକାଳ ଧୂପ ସରିବା ପରେ ଖେଚୁଡ଼ି ଭୋଗ ସମେତ ଡାଲମା ଭୋଗ କରାଯାଇଛି । ମହାପ୍ରଭୁଙ୍କ ନିକଟରେ ନୀଳାଚଳ ଅବଢା ଲାଗି ହେବା ପରେ ମହାପ୍ରସାଦ ପାଇ ଭକ୍ତ ଆନନ୍ଦିତ।

ସେପଟେ ଚନ୍ଦ୍ରଗ୍ରହଣ ପାଇଁ ଶ୍ରୀମନ୍ଦିରରେ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଛି। ଶ୍ରୀମନ୍ଦିର ପ୍ରଶାସନ ପକ୍ଷରୁ ନୀତି ନିର୍ଘଣ୍ଟ କରାଯାଇଛି। ରାତିରେ ଗ୍ରହଣ ସ୍ପର୍ଶ ପରେ ଗ୍ରହଣ ମହାସ୍ନାନ ଓ ଗ୍ରହଣ ଭୋଗନୀତି ହେବ। ଏହାପରେ ଅନ୍ୟାନ୍ୟ ନୀତି ଅନୁଷ୍ଠିତ ହେବ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ