ଆଜି ଆଡ଼ପ ମଣ୍ଡପକୁ ବିଜେ କରିବେ ଶ୍ରୀଜୀଉ, ଜାଣନ୍ତୁ କଣ ରହିଛି ନୀତିକାନ୍ତି..

ଶ୍ରୀମନ୍ଦିର ସତ୍ତ୍ବଲିପି ଅନୁସାରେ ରଥ ଗୁଣ୍ଡିଚା ମନ୍ଦିର ନିକଟରେ ପହଞ୍ଚିବା ପରଦିନ ଆଡ଼ପ ମଣ୍ଡପ ବିଜେ ନୀତି ଅନୁଷ୍ଠିତ ହୋଇଥାଏ । ଏନେଇ ସମସ୍ତ ପ୍ରସ୍ତୁତି ସରିଛି ।

ପୁରୀ: ଘୋଷଯାତ୍ରାର ଆଦ୍ୟ ପର୍ବ କୋରୋନା କଟକଣା ଭିତରେ ସୂଚାରୁରୂପେ ସମ୍ପନ୍ନ ହୋଇଛି । ବିନା ଭକ୍ତରେ ପ୍ରଥମ ଥର ଶ୍ରୀଗୁଣ୍ଡିଚା ଯାତ୍ରା ଅନୁଷ୍ଠିତ ହୋଇଛି । ସୀମିତ ସେବାୟତ ଓ ସୁରକ୍ଷାକର୍ମୀଙ୍କ ସହାୟତାରେ ତିନି ରଥକୁ ଟାଣି ଶ୍ରୀଗୁଣ୍ଡିଚା ମନ୍ଦିର ସିଂହଦ୍ବାର ଶରଧାବାଲିରେ ଅଟକିଛନ୍ତି । ଆଜି ଆଡପ ମଣ୍ଡପ ବିଜେ କରିବେ ଚତୁର୍ଦ୍ଧାମୂର୍ତ୍ତି । ଶ୍ରୀମନ୍ଦିର ସତ୍ତ୍ବଲିପି ଅନୁସାରେ ରଥ ଗୁଣ୍ଡିଚା ମନ୍ଦିର ନିକଟରେ ପହଞ୍ଚିବା ପରଦିନ ଆଡ଼ପ ମଣ୍ଡପ ବିଜେ ନୀତି ଅନୁଷ୍ଠିତ ହୋଇଥାଏ । ଏ ନେଇ ସମସ୍ତ ପ୍ରସ୍ତୁତି ସରିଛି ।

ବୁଧବାର ଆଡପ ମଣ୍ଡପ ବିଜେ ପାଇଁ ସନ୍ଧ୍ୟା ଧୂପ ପରେ ମହାପ୍ରଭୁ ଆଡ଼ପ ମଣ୍ଡପ ବିଜେ କରିବେ। ଏଥିପାଇଁ ମହାପ୍ରଭୁଙ୍କ ରଥ ଉପରେ ବିଭିନ୍ନ ନୀତିକାନ୍ତି ଅନୁଷ୍ଠିତ ହେଉଛି । ତେବେ ମହାପ୍ରଭୁଙ୍କ ଆଡ଼ପ ମଣ୍ଡପ ବିଜେ କିଭଳି ହେବ ସେ ନେଇ ପୁରୀରୁ ଅଧିକ ସୂଚନା ଦେଇଛନ୍ତି ଚୂନରା ସେବାୟତ ଡ଼କ୍ଟର ଶରତ ମହାନ୍ତି ।

ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ